قوعامدىق كەڭەستەردىڭ جۇمىسىنا 3 مىڭنان اسا قازاقستاندىق قاتىسۋدا - ايدا بالايەۆا

نۇر-سۇلتان. قازاقپارات - اقپارات جانە قوعامدىق دامۋ ءمينيسترى ايدا بالايەۆا پرەزيدەنت جولداۋىن ىسكە اسىرۋ بويىنشا قوعامدىق كەڭەستەردىڭ جۇمىسى تۋرالى ايتتى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا بۇكىل ەل بويىنشا ورتالىق جانە جەرگىلىكتى بيلىك ورگاندارىنىڭ جانىنان 234 قوعامدىق كەڭەس قۇرىلعان. ولاردىڭ قۇرامىنا قوعامنىڭ ءتۇرلى توپتارىنىڭ مۇددەلەرىن قورعايتىن 3,5 مىڭعا جۋىق بەلسەندى ازاماتتار تارتىلعان.

«نەگىزىنەن بۇل عىلىمي- شىعارماشىلىق ينتەلليگەنسيانىڭ، ۇكىمەتتىك ەمەس ۇيىمداردىڭ، ساراپشىلار قاۋىمداستىعىنىڭ وكىلدەرى جانە باسقا دا بەلسەندى ازاماتتار بار. جالپى وسى جىلدار ىشىندە، اتاپ ايتقاندا قوعامدىق كەڭەستەر 19 مىڭنان استام نورماتيۆتىك قۇقىقتىق اكتى جوبالارىن قارادى»، - دەدى ايدا بالايەۆا و ك ق- دا وتكەن باسپا ءسوز ءماسليحاتىندا.

ايدا بالايەۆا قوعامدىق كەڭەستەر بارلىق الەۋمەتتىك تاقىرىپتار بويىنشا تاۋەلسىز مونيتورينگتەر مەن تىڭداۋلار وتكىزە الاتىنىن جەتكىزدى.

«اتاپ ايتقاندا قوعامدىق كولىك، تۇرعىن ءۇي قۇرىلىسى، جول جوندەۋ، پ ي ك قىزمەتتەرى، ەڭ قاجەتتى تاۋارلاردىڭ باعاسى جانە باسقا تاقىرىپتار 1 مىڭنان استام زەرتتەۋ جۇرگىزدى. 1500 دەن استام قوعامدىق تالقىلاۋ وتكىزىلىپ، ونىڭ ىشىندە سۋمەن جابدىقتاۋ، سانيتارلىق احۋالدى جاقسارتۋ، مەديتسينا مەن ءبىلىم بەرۋدەگى قىزمەت كورسەتۋ ساپاسى سياقتى باسقا دا تاقىرىپتار قامتىلدى. ياعني مۇنىڭ بارلىعى قوعامدىق كەڭەستىڭ قاجەتتىگى مەن مۇمكىندىگى عانا ەمەس، بۇل جوبانىڭ كەلەشەگى زور ەكەنىن كورسەتىپ وتىر»، - دەيدى مينيستر.