+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

سولتۇستىك قازاقستاندا تاعى 3 اۋىلدا كارانتيندىك شەكتەۋ كۇشەيتىلدى

15 قازان 18:26
:ءبولىسۋ
سولتۇستىك قازاقستاندا تاعى 3 اۋىلدا كارانتيندىك شەكتەۋ كۇشەيتىلدى

پەتروپاۆل. قازاقپارات - سولتۇستىك قازاقستان وبلىسىندا كوروناۆيرۋستى جۇقتىرۋشىلاردىڭ ارتۋىنا بايلانىستى تاعى ءۇش اۋىلدا كارانتيندىك شەكتەۋلەر كۇشەيتىلدى، دەپ حابارلايدى قازاقپارات ءتىلشىسى.

س ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنشە، بۇگىندە بۋلايەۆو، مامليۋتكا قالالارى جانە ياۆلەنكا ەلدى مەكەنىنەن باسقا تاعى 3 اۋىلدا كارانتين كۇشەيتىلدى.

«پەتروپاۆلدى جابۋ تۋرالى ماسەلە ازىرگە قاراستىرىلعان جوق. وتكەن اپتادا وبلىس ورتالىعىندا 40 جاعداي تىركەلدى. 100 مىڭ تۇرعىنعا 50 دەن اسقاندا عانا قاتاڭ ءىس-شارالار قولدانىلادى. قازىرگى كورسەتكىش - 18. بۇگىندە 3 اۋدان ورتالىعىنان باسقا، شال اقىن اۋدانىنداعى پوۆوزوچنوە، تايىنشا اۋدانىنداعى كراسنوكييەۆكا جانە اقجار اۋدانىنداعى لەنينگرادسكوە ەلدى مەكەندەرىندە كارانتيندىك شەكتەۋلەر كۇشەيتىلدى. ولاردا ناۋقاستانعاندار 3-5 ادامنان اسىپ كەتكەن»، - دەيدى س ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءبولىمىنىڭ باستىعى ارمان كۇشباسوۆ.

كارانتيندىك شەكتەۋلەر كۇشەيتىلگەن ەلدى مەكەندەردىڭ كەيبىرىنە عانا اۋداندىق سانيتاريالىق دارىگەرلەردىڭ شەشىمىمەن بلوكپوستتار قويىلعان. دەسەك تە، بۇل ەلدى مەكەندەردە تۇرعىنداردىڭ ءجۇرىپ-تۇرۋى شەكتەلدى. سونداي-اق رەسمي جانە جەكەمەنشىك جولاۋشى تاسىمالداۋشىلارعا باسقا ەلدى مەكەندەرگە جانە پەتروپاۆلعا جولاۋشى تاسىمالداۋعا تىيىم سالىندى. وتكەن تاۋلىكتە س ق و-دا ك ۆ ي جۇقتىرعان 14 ادام تىركەلدى.

مامانداردىڭ ايتۋىنشا، ولاردىڭ بەسەۋى رەسەيدەن كەلگەندەر.

«شەكارادان وتكەندەر پ ت ر- تەست تاپسىرادى، كارانتينگە الىنادى. جۇقتىرعانى انىقتالعان جاعدايدا رەسەي ازاماتى بولسا - ەلىنە قايتارىلادى. كەشە سىرتتان كەلگەن 5 ادامدا انىقتالدى، ولاردىڭ ۇشەۋى سقو، ەكەۋى اقمولا وبلىسىنىڭ تۇرعىندارى. بارلىعىندا اۋرۋ بەلگىلەرى بولماعان. قالعان توعىز ادامنىڭ بىرەۋى جوسپارلى تۇردە ستاتسيونارعا جاتۋ الدىندا تەكسەرىستەن ءوتىپ، انىقتالدى. قالعان جاعدايلاردا ناۋقاستار كلينيكالىق سيمپتومدارمەن، پنەۆمونيامەن، جەدەل رەسپيراتورلىق ۆيرۋستىق ينفەكتسيا بەلگىلەرىمەن كەلگەن»، - دەيدى س ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءبولىمىنىڭ باس مامانى مەرۋەرت اتامبايەۆا.

بۇعان دەيىن س ق و-دا كارانتيندىك شەكتەۋلەر كۇشەيتىلىپ، كوپتەگەن نىساننىڭ جۇمىس كەستەسىنە وزگەرىس ەنگەنىن ايتقان ەدىك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات