پەتروپاۆلدا جازاسىن وتەۋشى ابايدىڭ بيىكتىگى 3 مەترلىك سۋرەتىن سالدى

None
None
پەتروپاۆل. قازاقپارات - پەتروپاۆلداعى ە س-164/3 مەكەمەسىندە جازاسىن وتەۋشى ابايدىڭ مەرەيتويىنا وراي اقىننىڭ ءمۇسىنىن جاساپ، بيىكتىگى 3 مەتر بولاتىن سۋرەتىن سالدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى قىلمىستىق اتقارۋ جۇيەسى دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆلداعى ە س-164/3 مەكەمەسىندەگى عيماراتتاردىڭ ءبىرىنىڭ قابىرعاسىندا ابايدىڭ پورترەتى پايدا بولدى. بيكتىگى 3 مەتر، ۇزىندىعى 5 مەتر بولاتىن تۋىندىنىڭ اۆتورى - وسىندا جازاسىن وتەۋشىلەردىڭ ءبىرى. قايروش بۇل سۋرەتتى 2 كۇننىڭ ىشىندە سالىپ شىققان.

«الدىمەن قارىنداشپەن سالىپ الدىم، سوسىن اق- قوڭىر بوياۋمەن بويادىم. قابىرعاعا سۋرەت سالعاندا قاتەلەسپەۋگە تىرىستىم، ويتكەنى تەز بوياماسا بوياۋ اعىپ كەتەدى. ابايدىڭ بەينەسىن اينا- قاتەسىز شىعارۋ ءۇشىن مەكەمە كىتاپحاناسىنداعى اقىننىڭ كىتاپتارىن اقتاردىم»، - دەيدى سۋرەتتىڭ اۆتورى.

بۇل - قايروشتىڭ ابايعا ارناعان ەكىنشى ەڭبەگى. ول بۇعان دەيىن اقىننىڭ ءمۇسىنىن گيپستەن جاساعان ەدى. اباي قۇنانبايەۆ - ونىڭ سۇيىكتى اقىندارىنىڭ ءبىرى. شىعارمالارىمەن جاقسى تانىس، ءتىپتى ابايدىڭ 15 ولەڭىن جاتقا بىلەدى. قارا سوزدەرىنەن عيبرات الۋعا تىرىسادى. سول سەبەپتى اقىننىڭ سۋرەتىنىڭ قاسىنا ونىڭ 18- قارا ءسوزىن دە جازعان.

«ابايدىڭ قارا سوزدەرىن وقىعان سايىن ودان جاڭا ماعىنا تاباسىڭ. جازا باسىپ، قىلمىس جاساعانىما قازىر قاتتى وكىنەمىن. ءبىر جىلىن وتەدىم، ءالى ەكى جىلى بار. بوستاندىقتا مەنى تۋعان قىزىم كۇتۋدە. Skype ارقىلى ۇنەمى حابارلاسىپ تۇرامىز. مەكەمە باسشىلىعىنا وسىنداي مۇمكىندىك بەرگەنى ءۇشىن العىس ايتامىن»، - دەيدى قايروش.

قايروشقا سۋرەت سالۋ ونەرى اكەسىنەن دارىعان ەكەن. قازىر ول قولى بوس ۋاقىتتا مەكەمەنىڭ شەبەرحاناسىنان تابىلادى.

«قايروش «دەنساۋلىققا قاساقانا اۋىر زيان كەلتىرۋ» بابى بويىنشا جازاسىن وتەپ جاتىر. ءۇش جىلعا جازا كەسىلدى. بىزگە كەلگەن كۇننەن باستاپ شىعارماشىلىقپەن اينالىسۋعا نيەت ءبىلدىردى. قولدانبالى ونەر سەكسياسىندا اينالىسادى. ءىس- شارالارعا بەلسەندى قاتىسقانى، ادال ەڭبەگى ءۇشىن بىرنەشە رەت العىس الدى»، - دەيدى س ق و ق ا ج د ە س-164/3 مەكەمەسىنىڭ باستىعى تامەرلان ۆاليەۆ.

اۆتور: اقەركە داۋرەنبەك قىزى

سوڭعى جاڭالىقتار