الماتىدا جوعالىپ كەتكەن 3 جاسار ءبۇلدىرشىن تابىلدى

None
None
الماتى. قازاقپارات - الماتى پوليتسياسى جوعالىپ كەتكەن 3 جاسار بالانى تاۋىپ، اتا- اناسىنا قايتاردى، دەپ حابارلايدى قازاقپارات ءتىلشىسى.

قالالىق پوليتسيا دەپارتامەنتىنىڭ حابارلاۋىنشا، كەشە كەشكى ساعات 19:00 شاماسىندا پوليتسياعا 3 جاستاعى بالانىڭ جوعالىپ كەتكەنى تۋرالى حابار تۇسكەن.

«ايەل ادام كيىم دۇكەنىندە جۇمىس ىستەيدى. سول كۇنى ونىڭ ءۇش جاسار بالاسى جانىندا بولعان. ونىڭ ايتۋىنشا، بالا دۇكەننىڭ قاسىندا ويناپ جۇرگەن. ول كليەنتتەرگە قىزمەت كورسەتىپ جاتقان كەزدە، بالا جوعالىپ كەتكەن. دابىلدى مەدەۋ اۋدانى پوليتسيا ءبولىمىنىڭ جەكە قۇرامى عانا ەمەس، سونىمەن قاتار، ۇل بالا جوعالىپ كەتكەن جەرگە شەكارالاس جاتقان ءبىزدىڭ ادامدار دا كوتەردى. ول اربات بويىنداعى سۋبۇرقاقتىڭ جانىنان تابىلدى. بالا ويىنعا بەرىلىپ كەتىپ، اناسىنان قالاي الىستاعانىن بايقاماعانى بەلگىلى بولدى. باقىتىمىزعا وراي، ونىڭ جاعدايى جاقسى. يۋۆەنالدى پوليتسيا قىزمەتكەرلەرى بالانى اتا- اناسىنا تاپسىردى»، - دەدى المالى اۋداندىق پوليتسيا باسقارماسى باستىعىنىڭ ورىنباسارى ۆلاديمير رەشەتنيكوۆ.

سونىمەن قاتار، الماتى قالاسىنىڭ پوليتسياسى ازاماتتاردان كامەلەتكە تولماعان بالالارىن قاراۋسىز قالدىرماۋىن سۇرايدى.

اۆتور: الما مۇقانوۆا

سوڭعى جاڭالىقتار