اقتاۋدا جالعىز ءوزى تەڭىزدە شومىلىپ جۇرگەن 3 جاسار بالاقاي قۇتقارىلدى
وسى كورىنىستى اقتاۋ تۇرعىنى كامەراعا تۇسىرگەن. ونىڭ ايتۋىنشا، كىشكەنتاي بالاقايدى جاعالاۋدى پاترۋلدەپ جۇرگەن پوليتسەيلەر تاۋىپ العان.
«بۇل جاعاجايدا كارانتين كەزىندە شومىلۋعا تىيىم سالىنعان. ءبىراق كىشكەنتاي بالا شومىلۋ ءۇشىن تەڭىزگە قاراي بارا جاتتى. پوليتسيا قىزمەتكەرلەرى ءبۇلدىرشىندى بايقاپ قالىپ، ونى سۋدان شىعاردى. جانىندا اتا-اناسى جوق. اتا-انالار، بالالارىڭىزعا اباي بولىڭىزدار» دەيدى وقيعانى ءتۇسىرىپ العان اقتاۋلىق ايەل.
وبلىستىق پوليتسيا دەپارتامەنتىنىڭ مالىمەتىنشەە، بۇل جاعداي بۇگىن بولعان. بوبەكتىڭ جاسى نەبارى ۇشتە. جاعالاۋداعى ۇيلەردىڭ بىرىندە تۇرادى.
«ەندى عانا تەڭىزگە ءتۇسىپ، شومىلا باستاعان بالاقايدى ءبىزدىڭ پوليتسەيلەر دەر كەزىندە بايقاپ قالدى. ءبىر پوليتسەي ءبۇلدىرشىندى الىپ شىعۋ ءۇشىن تەڭىزگە تۇسۋگە ءماجبۇر بولدى، ويتكەنى بالا جاعالاۋدان ءبىرشاما الىسقا كەتىپ ۇلگەرگەن ەدى. ونى سۋدان الىپ شىققان كەزدە اپكەسى كەلدى. ول جارتى ساعاتتان بەرى بالانى تاپپاي، شارق ۇرىپ ىزدەپ جۇرگەن ەكەن. بالا تاتەسىنە تاپسىرىلدى» دەپ ءتۇسىندىردى وبلىستىق پوليتسيا دەپارتامەنتىنەن.