ماڭعىستاۋ وبلىسىندا بوكستان 3 باپكەر كوروناۆيرۋستان قايتىس بولدى
وكىنىشكە قاراي، كوروناۆيرۋس سپورت قوعامىن دا اينالىپ وتپەدى. ماڭعىستاۋ وبلىسىنىڭ فەدەراتسياسىنداعى ورنى تولماس قازا تۋرالى قايعىرا حابارلايمىز. تالانتتى ءارى ساۋاتتى باپكەرلەر ومىردەن ءوتتى - جوعارى ۇلتتىق ساناتتاعى سۋديا، بوكستان ك س ر و- نىڭ سپورت شەبەرلىگىنە كانديدات بەرىك ەرماعانبەتوۆ، بوكستان قازاقستاننىڭ ەڭبەك سىڭىرگەن باپكەرى، جاڭاوزەن قۇراماسىنىڭ اعا جاتتىقتىرۋشىسى جەڭىس جارىلعاپوۆ جانە جاڭاوزەن بوكس مەكتەبىنىڭ اعا جاتتىقتىرۋشىسى اقىلبەك تەمىروۆ»، - دەلىنگەن ماڭعىستاۋ وبلىستىق بوكس فەدەراتسياسىنىڭ اقپاراتىندا.
اتاپ وتىلگەندەي، اتالعان باپكەرلەر وڭىردە بوكستىڭ دامۋىنا ۇلكەن ۇلەس قوستى.
«ب. ەرماعانبەتوۆ كوپتەگەن حالىقارالىق تۋرنيرلەردىڭ جەڭىمپازى بولعان. ج. جارىلعاپوۆ ەڭبەك جولىندا قازاقستان چەمپيوندارى مەن جۇلدەگەرلەرىن تاربيەلەپ شىعاردى. ا. تەمىروۆ بوكستان جاتتىقتىرۋشى بولىپ 30 جىلدان استام ەڭبەك ەتتى. ونىڭ ءىزباسارلارى - قازاقستان چەمپيوندارى. ماڭعىستاۋ وبلىستىڭ بوكس فەدەراتسياسى باپكەرلەردىڭ تۋعاندارى مەن جاقىندارىنا، وقۋشىلارىنا شىن جۇرەكتەن كوڭىل ايتادى. ولار ماڭگى جادىمىزدا ساقتالادى»، - دەدى فەدەراتسيادان.
