10:45, 25 - ماۋسىم 2020 | GMT +6
ەلوردا سوتتارى 3- شىلدەگە دەيىن كارانتينگە جابىلدى
نۇر-سۇلتان. قازاقپارات - نۇر-سۇلتان قالاسى سوتتارىنىڭ جەكەلەگەن سۋديالارى مەن قىزمەتكەرلەرىنەن Covid-19 ۆيرۋسىنىڭ انىقتالۋىنا بايلانىستى قالا سوتتارى 24- ماۋسىمنان 3- شىلدەگە دەيىن كارانتينگە جابىلدى، دەپ حابارلايدى قازاقپارات نۇر-سۇلتان قالاسى سوتىنىڭ باسپا ءسوز قىزمەتىنە سىلتەمە جاساپ.
«سوت ىستەرىن ونلاين قاراۋ كەيىنگى قالدىرىلدى. وسى ۋاقىت ارالىعىندا اكىمشىلىك ىستەر، بۇلتارتپاۋ شاراسىن سانكتسيالاۋ، كۇزەتپەن ۇستاۋ مەرزىمىن ۇزارتۋمەن بايلانىستى ماتەريالدار جانە كەيىنگە قالدىرۋعا جاتپايتىن بولەك ماتەريالدار قارالادى. اتالعان شارالار ازاماتتاردىڭ دەنساۋلىعىن ساقتاۋعا باعىتتالعان. تۇسىنىستىكپەن قاراۋدى سۇرايمىز. وزدەرىڭىز بەن جاقىندارىڭىزدى ساقتاڭىزدار!»، - دەلىنگەن حابارلامادا.