كوكشەتاۋدا قاراۋسىز قالعان ءۇيدىڭ ىشىنەن 3 جاسار بالا تابىلدى
اقمولا وبلىسىندا جازعى ماۋسىمدا سۋعا شومىلۋ كەزىندە ورىن الاتىن قايعىلى جاعدايلاردى الدىن الۋ بويىنشا قاۋىپسىزدىك شارالارىن ءتۇسىندىرۋ رەيدتەرى وتكىزىلۋدە. وبلىس ورتالىعىندا جۇرگىزىلگەن وسىنداي رەيد بارىسىندا كوكشەتاۋ قالاسىنىڭ قۇتقارۋ بولىمشەسىنىڭ باسشىسى رومان شەۆچەنكو جانە باس قۇتقارۋشىسى ەرلان جاپاروۆ قوپا كولىنىڭ جاعاسىنا جاقىن ماڭداعى نابەرەجنىي كوشەسىنىڭ بويىندا قاراۋسىز قالعان تۇرعىن ءۇيدىڭ ىشىنەن 2017 -جىلعى ۇل بالانى تاپقان.
بالا ەسىمىن جانە ءۇيىنىڭ مەكەن-جايىن بىلمەگەن.
«قۇتقارۋشىلار بالانىڭ اتا-اناسى مەن تۇراتىن ءۇي انىقتاۋ ءۇشىن سول ماڭداعى ۇيلەردىڭ اۋلالارىن ارالىپ شىقتى. ناتيجەسىندە بالانىڭ اجەسى تابىلدى. باستاپقىدا بالانى ۇرلادى دەپ ايعايعا باسقان اجەسى كەيىن جاعدايدى سۇراستىرا كەلە، نەمەرەسىن ۇيىنە جەتكىزگەن قۇتقارۋشىلارعا العىسىن ايتتى. اجەسىنىڭ ايتۋىنشا، بالانىڭ اناسى ازىق-تۇلىك الۋ ءۇشىن دۇكەنگە كەتكەن، ال اجەسى ويناپ جۇرگەن بالانىڭ اۋلادان قالاي شىعىپ كەتكەنىن بايقاماي قالعان»، - دەپ جازادى Polisia.kz.
وسى رەتتە، ءتارتىپ ساقشىلارى، تۇرعىندارعا بالالاردى جالعىز قالدىرماۋعا جانە ولارعا قاۋىپسىزدىك نەگىزدەرىن ۇيرەتۋگە شاقىرادى.