بلوكپوستاعى كولىك اپاتى: 3 لاۋازىمدى قىزمەتكەر جۇمىستان كەتتى
وسى وقيعا بايلانىستى قىزمەتتىك تەسكەرۋ جۇرگىزىلدى، سونىڭ ناتيجەسىندە ىشكى ىستەر ءمينيسترى ەرلان تۇرعىمبايەۆتىڭ بۇيرىعىمەن توعىز قىزمەتكەرگە تارتىپتىك جازا قولدانىلدى. الماتى قالالىق پ د پاترۋلدىك پوليتسيا پولكى باستىعىنىڭ ورىنباسارى، پوليتسيا پودپولكوۆنيگى ك. ە. ساتايەۆ، الماتى قالاسى پ د كادر ساياساتى ءبولىمىنىڭ باستىعى، پولكوۆنيك و. س مىرزابەكوۆ، جەكە قۇرام ينسپەكتسياسىنىڭ باستىعى، پوليتسيا پولكوۆنيگى اقىلبەكوۆ قىزمەتتەرىنەن بوساتىلدى. الماتى قالاسى پ د جەرگىلىكتى پوليتسيا قىزمەتىنىڭ باستىعى، پوليتسيا پولكوۆنيگى م. ا. ساتتاروۆقا، الماتى قاۋىپسىزدىك باسقارماسىنىڭ باستىعى، پوليتسيا پودپولكوۆنيگى س. و. كوكرەكبايەۆقا، الماتى قالالىق پ د باستىعىنىڭ ورىنباسارى، پوليتسيا پولكوۆنيگى ا. ا ناشاربەكوۆقا ەسكەرتۋ جاسالدى. الماتى قالالىق پوليتسيا دەپارتامەنتىنىڭ باستىعى پوليتسيا گەنەرال- مايورى ق. د. تايمەردەنوۆكە قاتاڭ سوگىس الدى. سونىمەن قاتار، پ د باستىعىنىڭ ورىنباسارى ن. س الماسبەكوۆكە، باسپا ءسوز قىزمەتىنىڭ جەتەكشىسى س. ازىربەككە دە قاتاڭ سوگىس بەرىلدى.
«ءاربىر باسشى ءوز قاراماعىنداعى قىزمەتكەرلەرگە جاۋاپ بەرەدى. ول جەكە قۇرام اراسىندا ءتارتىپ پەن زاڭدىلىقتى ساقتاۋدى قامتاماسىز ەتەدى. الماتى قالاسىنىڭ پوليتسيا باسقارماسىندا بۇل جۇمىس ءتيىستى دەڭگەيدە ۇيىمداستىرىلماعان. ناتيجەسىندە ءبىز بىردەن ەكى قىزمەتكەردەن ايىرىلدىق، ءبىر قىزمەتكەر اۋىر جاراقات الدى. بۇل بارلىعىمىز ءۇشىن، اسىرەسە تۋعان تۋىستارى ءۇشىن ورنى تولماس قايعى. سوندىقتان وسى توتەنشە جاعدايدىڭ ورىن الۋىنا جول بەرگەن ءبىرقاتار باسشىعا ءتيىستى شارالار قابىلداندى. ىشكى ىستەر مينيسترلىگىنىڭ باسشىلىعى قىزمەتتىك ءتارتىپتى ساقتاۋدى قاتاڭ تالاپ ەتۋدى، پوليتسيا قىزمەتكەرلەرىنىڭ كەز- كەلگەن بۇزۋشىلىقتارىنا ءپرينتسيپتى باعا بەرۋدى جانە جاڭا تالاپ بويىنشا جۇمىس ىستەگىسى كەلمەيتىن نەمەسە جۇمىس ىستەمەيتىندەردىڭ قاتارىن تازارتۋدى تالاپ ەتەدى»، - دەپ اتاپ ءوتتى ىشكى ىستەر ءمينيسترى ەرلان تۇرعىمبايەۆ.
ەسكە سالساق، قايعىلى وقيعا 25 -مامىر كۇنى تاڭعا جۋى № 4 بلوكپوستا بولعان. BMW جۇرگىزۋشىسى ماس كۇيىندە بەتون قورشاۋعا سوعىلىپ بارىپ، ينەرتسيامەن پاترۋلدىك پوليتسيا كولىگىن سوققان. سونىڭ كەسىرىنەن ەكى پوليتسيا قىزمەتكەرى كوز جۇمدى. ءۇشىنشى پوليتسيا قىزمەتكەرى جانساقتاۋ بولىمىندە جاتىر. اپاتقا كىنالى جۇرگىزۋشى بۇرىن پوليتسيادا جۇمىس ىستەگەن.