ءبىر ۇستەلدە 3 ادام: ەلوردادا ءدامحانالار قالاي جۇمىس ىستەپ جاتىر

None
None
نۇر- سۇلتان. قازاقپارات - نۇر- سۇلتاندا سىيىمدىلىعى 30 ادامعا دەيىنگى قوعامدىق تاماقتانۋ ورىندارى جۇمىس ىستەي باستادى، دەپ حابارلايدى قازاقپارات ءتىلشىسى.

ءبىراق، ولاردىڭ جۇمىسىنا قۇزىرەتتى ورگاندار ءبىرقاتار سانيتارلىق تالاپ قويىپ وتىر. «قالانىڭ باس سانيتارلىق دارىگەرىنىڭ تالابىمەن، ءدامحانادا 50 ورىنعا عانا رۇقسات ەتىلگەن. اراقاشىقتىق ساقتاۋ ءۇشىن كەلۋشىلەردىڭ اراسىندا ءبىر بوس ۇستەل تۇرۋى كەرەك. وسىلايشا، عيماراتتىڭ ىشكى جانە جازعى الاڭدارىن قوسقاندا، جالپى كليەنت سانى 30 دان اسپاۋى ءتيىس. تاماق تانۋ ورنىندا مىندەتتى تۇردە دەزينفەكتسيالىق قۇرالدار بولۋى كەرەك، كەلۋشىلەر ماسكامەن كىرىپ، دەزينفەكتسيالىق قۇرالدى پايدالانىپ، كەزەككە تۇرعاندا دا اراقاشىقتىق ساقتاعاندارى ءجون» ، - دەدى نۇر- سۇلتان اكىمدىگىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ ساۋدا جانە قىزمەت كورسەتۋ ءبولىمىنىڭ باس مامانى ازامات راشيتوۆ تىلشىلەرگە بەرگەن سۇحباتىندا.


ونىڭ ايتۋىنشا، نۇر- سۇلتان قالاسىنىڭ ءتورت اۋدانىندا ءدامحانالار جۇمىسىن تەكسەرەتىن ارنايى موبيلدىك توپتار قۇرىلعان. ونىڭ قۇرامىنا پوليتسيا، اكىمدىك جانە سانيتارلىق- ەپيدەميولوگيالىق قىزمەت وكىلدەرى كىرگەن.

«تاماق تانۋ ورىندارى بۇگىننەن باستاپ اشىلدى. الدىن الا بارلىق نىسانعا اقپارات جولداپ، بارلىق تالاپتى تۇسىندىردىك. وسى تالاپتارعا دايىن نىساندار عانا اشىلدى، دايىن ەمەستەرى كۇتە تۇرۋدى ۇيعاردى. سوندىقتان موبيلدى توپتار نىسانداردى ءجىتى تەكسەرۋ جۇرگىزەدى، الەۋمەتتىك جەلىلەر مەن iKomek ارقىلى حالىقتىڭ ارىز- شاعىمىن ەسكەرەدى. ولار سانيتارلىق تالاپ ساقتالماعان، كوپ شاعىم تۇسكەن ءدامحانالاردى جابۋعا دا قۇقىلى. ۇلكەن مەيرامحانالاردىڭ اشىلۋى ءالى قاراستىرىلمايدى، وعان سانيتارلىق دارىگەردىڭ رۇقساتى كەرەك» ، - دەپ ءتۇسىندىردى اكىمدىك وكىلى.


سونىمەن بىرگە، «Marrone Rosso» كوفەحاناسىنىڭ اعا اكىمشىسى گاۋحار ەسىكبايەۆا ت ج رەجمىنەن كەيىنگى العاشقى جۇمىس كۇنى تۋرالى سۇحبات بەردى.

«نۇر- سۇلتان بويىنشا كوفەحانامىزدىڭ 6 فيليالى بار. ازىرگە سونىڭ بىرەۋى عانا اشىلدى. مۇندا دا بارلىق سانيتارلىق تالاپتاردى ساقتاۋعا تىرىسامىز. قىزمەتكەرلەرگە ماسكا مەن قولعاپ كيۋ مىندەتتەلگەن. ساعات سايىن ولاردىڭ قىزۋى مەن كوڭىل- كۇيىن باقىلايمىز. كەلۋشىلەر دە ءدامحاناعا ماسكاسىز كىرە المايدى. وكىنىشكە قاراي، كوپ ادام جاعدايدىڭ قانشالىقتى ماڭىزدى ەكەنىن تۇسىنبەيدى. ماسكاسىز كەلگەندەرگە تەگىن ماسكا تاراتامىز، قاجەت بولسا ولاردىڭ دا دەنە قىزۋىن ولشەيمىز. سەبەبى ولار ءبىزدىڭ قىزمەتكەرلەرمەن بايلانىسادى، سول ءۇشىن بارلىق تالاپتى ساقتاۋعا مۇددەلىمىز» ، - دەدى گاۋحار ەسىكبايەۆا.

ازىرگە كوفەحانا تاڭعى ساعات 9:00 دەن كەشكى 23:00 گە دەيىن، دەمالىس كۇندەرى - 00:00 گە دەيىن جۇمىس ىستەيدى. عيماراتتىڭ كىرەبەرىسىندە، باردا، اس بولمەسىندە جانە دارەتحانا ماڭىندا انتيسەپتيك قۇتىسى ورناتىلعان.


«ت ج رەجيمىنە دەيىن 70 ورىنعا كليەنت قابىلدايتىن ەدىك. ال قازىر 50 ورىندى قالدىردىق جانە 30 ادامعا عانا قىزمەت كورسەتە الامىز. ياعني، بەلگىلەنگەن شەكتەن تىس ادامعا بوس ورىن دا قاراستىرىلماعان. مۇنداي جاعدايدا كەلۋشىلەرگە سىرتتا كۇتە تۇرۋدى سۇرايمىز. ءبىر ۇستەلدە 3 ادامنىڭ وتىرۋىنا رۇقسات، ودان كوپ ادامعا وتباسى مۇشەلەرى بولسا عانا جول بەرىلەدى. كوپ جاعدايدا كارتامەن ەسەپتەسۋگە كەڭەس بەرەمىز، قولما- قول اقشاعا كليەنت قولعاپپەن وتىرسا عانا رۇقسات بەرىلەدى» ، - دەدى اكىمشى.


ەسكە سالا كەتسەك، 18- مامىردان باستاپ قوناق ۇيلەرگە، 30 ادامعا دەيىنگى تاماقتانۋ ورىندارىنا، تازا اۋادا قىزمەت كورسەتەتىن قوعامدىق تاماقتانۋ نىساندارىنا جۇمىس ىستەۋگە رۇقسات بەرىلدى. سونىمەن بىرگە بۇگىن جالپى عيمارات كولەمىنىڭ 30 پايىزىن عانا تولتىراتىن، ءدىني قۇلشىلىق جاساۋ نىساندارى جۇمىسقا كىرىسەدى.



سوڭعى جاڭالىقتار