قىزىلوردالىق دارىگەر: ۇيگە بارماعانىما 3 اپتا بولدى

None
None
قىزىلوردا. قازاقپارات - جاڭاقورعان اۋدانارالىق اۋرۋحاناسىنىڭ ينفەكتسيونيست دارىگەرى اسەل سەيىلوۆا قازاقپارات تىلشىسىنە سوڭعى ءۇش اپتادا قالاي جۇمىس ىستەپ جاتقانى تۋرالى ايتىپ بەردى.

اسەل سەيىلوۆانىڭ ايتۋىنا قاراعاندا ول سوڭعى ءۇش اپتا ۇيىنە بارماعان. تاۋلىك بويى جۇمىس ورنىندا قالادى.

«مەنىڭ ۇيگە بارماعانىما 3 اپتاداي ۋاقىت بولدى. جۇمىستا قونىپ، وسىندا قالۋدامىز. بۇل بارلىعىمىز ءۇشىن قاۋىپسىز. مەن ناۋقاسقا شالدىققانداردى ەمدەپ جانە ءوزىمنىڭ جاقىندارىمدى قاۋىپتى دەرتتەن قورعاعىم كەلەدى. قاۋىپتى ىندەتتى جويعانشا قىزمەت ورنىندا بولامىز»، - دەدى اسەل سەيىلوۆا.

سونداي-اق، ول جالاقىسى قوسىلعان ۇستەماقى تۋرالى دا ايتتى.

«بالا كۇنىمنەن دارىگەر بولۋدى الدىما ماقسات ەتتىم. سول ارمانىما قول جەتكىزدىم. ون جىلدان استام ۋاقىتتان بەرى دەنساۋلىق ساقتاۋ سالاسىندا قىزمەت اتقارىپ كەلەمىن. پرەزيدەنتىمىز قاسىم-جومارت توقايەۆ ەڭبەگىمىزدى ەسكەرىپ، ايلىعىمىزعا قوسىمشا تولەماقى تولەۋگە شەشىم قابىلداعانىن بىلەمىز. ماعان ناۋرىز ايىنىڭ جالاقىسىنا ۇستەمە تولەنگەنى تۋرالى ۇيالى تەلەفونىما حابارلاما كەلىپ ءتۇستى. ونىڭ كولەمى 248000 تەڭگەنى قۇرايدى»، - دەدى ول.

ەسكە سالساق، قىزىلوردا وبلىسىندا كوروناۆيرۋس ينفەكتسياسى دياگنوزى قويىلعان 127 ادام بار.

سوڭعى جاڭالىقتار