دارىگەرلەر 3 جاسار ءسابيدىڭ اسقازانىنان ماگنيت بىلەزىك الىپ شىقتى
بالالارعا شۇعىل مەديتسينالىق كومەك كورسەتۋ ورتالىعىنا 3 جاسار بالانىڭ اناسى جۇگىنگەن. رەنتگەنوگرافيا جاساعان كەزدە بالانىڭ اسقازانىندا ماگنيت باتارەيا بارى انىقتالدى. دارىگەرلەر بالاعا شۇعىل وتا جاساپ، اسقازانىنداعى بوگدە زاتتى الىپ شىقتى. «ماگنيتتىك زاتتاردى العان كەزدە ءبىر قيىندىق بار. ماگنيتتەر حيرۋرگيالىق ينسترۋمەنتتەرگە جابىسادى. سوندىقتان، ەندوسكوپيالىق جولمەن، تىلىكسىز وتا جاساۋ مۇمكىن ەمەس بولدى»، - دەدى بالالارعا شۇعىل مەديتسينالىق كومەك كورسەتۋ ورتالىعىنىڭ قابىلداۋ ءبولىمىنىڭ مەڭگەرۋشىسى مەيىرجان قۇرماناليەۆ.
قازىر بالانىڭ دەنساۋلىعى قالىپتى. جاقىندا ۇيىنە شىعارىلادى. مامانداردىڭ ايتۋىنشا، كارانتين كەزىندە بوگدە زات جۇتىپ قويىپ كەلەتىن بالالار سانى سيرەگەن. بۇل اتا- انالاردىڭ بالاسىنىڭ قاسىندا وتىرعانىن بىلدىرسە كەرەك. دارىگەرلەر تيىن، شار، مەتال، مونشاق سياقتى زاتتاردى بالالاردان قاشىق ۇستاۋ كەرەكتىگىن ەسكەرتتى.
اۆتور: گۇلميرا عوسمانالي