17:31, 08 - ءساۋىر 2020 | GMT +6
كارانتين: الماتىدا 3 جول ايىرىعىنىڭ قۇرىلىسى قارقىندى جۇرۋدە
الماتى. قازاقپارات - الماتى قالالىق موبيلدىلىك باسقارماسىنىڭ باسشىسى ساعىندىق تەلىبايەۆ ونلاين- بريفينگ بارىسىندا جول ايىرىقتارىنىڭ قۇرىلىسى تۋرالى ايتىپ بەردى، دەپ حابارلايدى قازاقپارات ءتىلشىسى.
«بۇگىنگى تاڭدا مەگوپوليستە ءۇش جول ايىرىعى سالىنۋدا. قازىر رىسقۇلوۆ پەن ەمتسوۆ كوشەلەرىنىڭ قيىلىسىنداعى قۇرىلىس قارقىندى ءجۇرىپ جاتىر. سونىمەن قاتار، الاتاۋ اۋدانىندا جاڭا جولدىڭ قۇرىلىسى باستالدى. بۇل جۇمىستارعا 8 بريگادا تارتىلدى»، - دەدى باسقارما باسشىسى.
ونىڭ ايتۋىنشا، بارلىق جۇمىسشىلار ماسكامەن جانە انتيسەپتيكتەرمەن قامتاماسىز ەتىلگەن.
اۆتور: الما مۇقانوۆا