قازاقپارات كۇنتىزبەسى: 3- ءساۋىر
اتاۋلى كۇندەر
شتريح-كود پايدا بولعان كۇن
1973-جىلى ءدال وسى كۇنى IBM كومپانياسى شتريحتاپ كودتاۋ امبەباپ تەحنولوگياسىن ۇسىندى.
شتريح-كود - ءارتۇرلى قاشىقتىقتاعى جانە ءارتۇرلى جۋاندىقتاعى جولاقتاردان تۇراتىن كومپيۋتەرلىك ەسەپتەۋ ءتۇرى.
جولاقتار اراسىنداعى كومبيناتسيا بەلگىلى ءبىر ساندارعا سايكەس كەلەدى. 0 دەن 9 عا دەيىنگى ساندار ەكى نەمەسە ءۇش نۇسقامەن (سەت) بەرىلەدى.
العاش رەت شتريح-كود Wrigley's ساعىزىنا قويىلعان.
ەستە قالار وقيعالار
2009-جىلى الماتىدا «قازپوشتا» ا ق ەل اۋماعىندا «ەۋروپا» سەرياسى بويىنشا حالىقارالىق استرونوميا جىلىنا ارنالعان ەكى ماركا ەنگىزىلگەنىن مالىمدەدى. جاڭا ماركالاردا گاليلەيدىڭ پورترەتى مەن تابيعات اياسىنداعى تەلەسكوپ بەينەلەنگەن.
2010-جىلى «قازاقستان حالقى اسسامبلەياسىنىڭ الەۋمەتتىك كونسورتسيۋمى» قوعامدىق قورى قازاقستان حالىقتارىنىڭ تەاترىن قۇردى. جاڭا تەاتر انترەپريزا تۇرىندە جۇمىس ىستەيدى، قويىلىمدار ءبىر ۋاقىتتا بىرنەشە تىلدە وتكىزىلۋى مۇمكىن، ياعني ارتىستەر وزدەرىنىڭ انا تىلىندە ءوز ءرولىن ويناي الادى. بۇل قازاقستانداعى وسىنداي العاشقى تەاتر.
2011-جىلى تۇركيانىڭ تۋريستىك ايماعى كاپادوكيادا ورنالاسقان جەراستى قالالارى مەن جارتاستى موناستىرلارىمەن ايگىلى نيەۆشەحير قالاسىندا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ اتىنداعى كوشەنىڭ اشىلۋ سالتاناتى بولدى.
قالانىڭ ورتالىق كوشەلەرىنىڭ بىرىنە ن. نازاربايەۆ ەسىمىن بەرۋ شەشىمى نيەۆشەحير قالاسىنىڭ قالالىق ءماسليحاتىنىڭ وتىرىسىندا قابىلدانعان.
2012-جىلى امەريكاندىق ەريك ۋيتاكەردىڭ الەمگە ايگىلى ۆيرتۋالدى حورىنىڭ قۇرامىنا ەكى قازاقستاندىق قوسىلدى. بۇل جوبانىڭ ءمانى مىنادا: بۇكىل الەمنەن مىڭداعان ادام ءبىر-ءبىرىن كورمەي، كومپوزيتسيانى بەينەكامەراعا ءتۇسىرىپ، ديريجەرگە جىبەرەدى، ول ءوز كەزەگىندە داۋىستاردى ءبىر-بىرىنە ۇيلەستىرىپ، تەڭدەسى جوق سۇلۋ اۋەن شىعارادى. حوردىڭ سوڭعى جوباسى - Whitaker's Water Night.
وعان الەمنىڭ 73 ەلىنەن 3756 ادام قاتىستى.
2013-جىلى الماتىدا فيليگراندى تەحنيكانى مەڭگەرگەن تانىمال حيرۋرگ نۇرتاس قازىبايەۆتىڭ قۇرمەتىنە مەموريالدىق تاقتا قويىلدى.
2014-جىلى بەلگيانىڭ لەج قالاسىندا بەلگىلى قازاقستاندىق ۆەلوسپورتشى اندرەي كاشەچكيننىڭ ۆەلوسپورت اكادەمياسى اشىلدى.
بۇل - قازاقستانداعى ۆەلوسپورت اكادەمياسىنىڭ فيليالى. اكادەميا بازاسىندا بارلىق جاعداي جاسالعان - جابدىقتار، تاجىريبەلى جاتتىقتىرۋشىلار، سپورت دارىگەرلەرى، ت. ب. بار.
2017-جىلى قازاقستان پرەزيدەنتى نۇرسۇلتان نازاربايەۆ ازەربايجان مەن قازاقستان اراسىنداعى ىنتىماقتاستىق پەن دوستىق قاتىناستى دامىتۋعا قوسقان ەرەكشە ۇلەسى ءۇشىن «گەيدار اليەۆ» وردەنىمەن ماراپاتتالدى.
2018-جىلى «رۋحاني جاڭعىرۋ» باعدارلاماسى اياسىندا ق ر مادەنيەت جانە سپورت مينيسترلىگى جۇزەگە اسىرىپ جاتقان «التىن ادامنىڭ الەم مۋزەيلەرىنە شەرۋى» حالىقارالىق جوباسى اياسىندا ماسكەۋدە ەجەلگى دالا وركەنيەتىنىڭ بىرەگەي مۇراسى ۇسىنىلدى.
حالىقتىق جانە ساندىك- قولدانبالى ونەردىڭ بۇكىل رەسەيلىك مۋزەيى قازاقستان رەسپۋبليكاسى ۇلتتىق مۋزەيىمەن بىرلەسىپ ۇيىمداستىرىپ جاتقان «ۇلى دالا مۇراسى: زەرگەرلىك ونەر جاۋھارلارى» كورمەسىنە كەلگەن ماسكەۋ تۇرعىندارى مەن قوناقتارى قازاقستانىڭ نىشانى رەتىندە بۇكىل الەمگە تانىمال بولعان «التىن ادام» ەكسپوناتىن تاماشالاۋعا مۇمكىندىك الدى.
سونىمەن قاتار كورمەگە قازاقستان رەسپۋبليكاسى ۇلتتىق مۋزەيىنىڭ قورلارىنان ⅩⅨ عاسىر مەن ⅩⅩ عاسىردىڭ ورتاسىنا دەيىنگى ۋاقىتقا جاتاتىن كۇمىستەن جاسالعان ايەلدەر اشەكەيلەرى، ءبىزدىڭ زامانىمىزعا دەيىنگى VII- Ⅲ عاسىرلارعا تيەسىلى التىن بۇيىمدار قويىلعان. تانىستىرۋعا قويىلعان جادىگەرلەردىڭ جالپى سانى 170 تەن اسادى.
2019-جىلى ر ف پرەزيدەنتى ۆ. ۆ. پۋتيننىڭ شاقىرتۋىمەن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ رەسەي فەدەراتسياسىنا رەسمي ساپارمەن باردى.
كەلىسسوزدەر بارىسىندا قازاقستان مەن رەسەي پرەزيدەنتتەرى ەكى مەملەكەت اراسىنداعى وداقتاستىق جانە ستراتەگيالىق ارىپتەستىكتى ودان ءارى تەرەڭدەتۋ، ولاردىڭ تۇراقتى دامۋىنا جانە حالىقارالىق ارەناداعى بەدەلىن ارتتىرۋعا جاردەمدەسۋ ماقساتىندا قول جەتكىزىلگەن ۋاعدالاستىقتاردى ءتيىمدى ىسكە اسىرۋدى قامتاماسىز ەتۋگە دەگەن نيەتتەرىن ءبىلدىردى.
2019-جىلى اقتوبەدە جۇزۋدەن قازاقستان چەمپيوناتىندا ماڭىزدى ساتتەردىڭ ءبىرى ادەلايدا پچەلينتسيەۆا ەل رەكوردىن ورناتتى. سپورتشى 50 مەتر براسسپەن جۇزۋدە قازاقستاننىڭ جاڭا جوعارى كورسەتكىشىن كورسەتتى. رەكوردتى ناتيجە - 00.31.81 سەكۋند.