اقمولا وبلىسىنىڭ ەلوردا ىرگەسىندەگى 3 اۋدانىنا شەكتەۋ ەنگىزىلەدى
بۇل تۋرالى وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايناگۇل مۋسينا ايتتى، دەپ حابارلايدى قازاقپارات ءتىلشىسى.
دەپارتامەنت باسشىسىنىڭ مالىمەتىنشە، 17 جاعداي سانيتارلىق قىزمەتتەر نۇر-سۇلتان قالاسى بويىنشا COVID-19 جۇرگىزگەن ەپيدەميولوگيالىق زەرتتەۋ كەزىندە تىركەدى.
ال، 2 جاعداي ناۋقاستاردىڭ وزدەرى مەديتسينالىق كومەككە جۇگىنگەن كەزىندە انىقتالدى.
وبلىس بويىنشا COVID-19 سەلينوگراد اۋدانىندا -14، ارشالى اۋدانىندا-3، كوكشەتاۋ قالاسىندا - 1، شورتاندى اۋدانىندا -1 جاعداي تىركەلدى.
«قازىرگى كەزدە ەپيدەميولوگياعا قارسى كەشەندى شارالار جۇرگىزىلدى، ناۋقاستارمەن جاقىن جانە بايلانىستا بولۋى مۇمكىن ادامدارى، جۇمىسى مەن ءۇيىنىڭ مەكەنجايى انىقتالدى. ەپيدەميولوگيالىق جاعدايدىڭ كۇردەلىنۋىنە بايلانىستى اقمولا وبلىسىندا كارانتيندىك شارالاردى كۇشەيتۋ تۋرالى قاۋلى شىعارىلدى.
3- ءساۋىر كەشكى ساعات 19:00 دەن باستاپ سەلينوگراد، ارشالى جانە شورتاندى اۋداندارى اۋماعىنا كىرىپ شىعۋعا شەكتەۋ قويىلادى.
اتالمىش اۋداندار مەن كوكشەتاۋ قالاسى شەكارالارىندا بلوكپوستار قويىلادى. كىرىپ شىعۋعا شەكتەلەدى، ازاماتتار مەن كولىكتەردىڭ ءتىزىمى اقمولا وبلىسى اكىمدىگى جانىنداعى توتەنشە جاعداي رەجيمىن قامتاماسىز ەتۋ بويىنشا وبلىستىق شتاب انىقتايدى. كىرىپ شىعۋعا رۇقساتتى دەپارتامەنت بەرەدى»، - دەيدى ايناگۇل مۋسينا.
بۇدان بولەك، ول ءۇي ماڭىنداعى دۇكەندەر مەن ءدارىحانالاردى ساناماعاندا بارلىق ساۋدا ورىندارى جۇمىسىن توقتاتىنىن اتاپ ءوتتى.
«قوعامدىق تاماقتانۋ كاسىپورىندارى تاۋارلاردى وراۋلى تۇرىندە عانا جەتكىزىپ بەرەتىن بولادى. اۋدان جانە قالا اكىمدەرى اتالمىش ەلدى-مەكەندەر اۋماعىندا دەزينفەكتسيالىق شارالاردى كۇشەيتۋلەرى قاجەت»، - دەپ تولىقتىردى ايناگۇل مۋسينا.
سونىمەن قاتار، دەپارتامەنت باسشىسى ەگىندىكول اۋدانى تۇرعىنىنىڭ كوروناۆيرۋسقا كۇدىكپەن استراحان اۋداندىق جۇقپالى اۋرۋلار بولىمشەسىنە جاتقىزىلعاندىعى تۋرالى اقپاراتتىڭ بارىن ايتتى.