اتىراۋدا 3 ادامنىڭ كوروناۆيرۋستى قالاي جۇقتىرعانى بەلگىلى بولدى

اتىراۋ. قازاقپارات - اتىراۋدا 3 ادامنىڭ كوروناۆيرۋستى جۇقتىرۋ سەبەبى بەلگىلى بولدى، دەپ حابارلايدى قازاقپارات.وڭىرلىك كوممۋنيكاتسيالار قىزمەتىنىڭ مالىمەتىنشە، 3 ادامنىڭ ءبىرى - 37 جاستاعى اتىراۋلىق كوروناۆيرۋس تالداۋى راستالعان ورال قالاسىنىڭ تۇرعىنىمەن بايلانىستا بولعان.
ونىڭ ينفەكتسياعا شالدىققانى ۇيىنە ورالعان سوڭ انىقتالعان. ەكىنشىسى - 20 جاستاعى ستۋدەنت. ول «ستامبۋل- اتىراۋ» ارنايى رەيسىمەن 27 - ناۋرىزدا كەلگەن. ناۋقاستا جرۆي- دىڭ ايقىن بەلگىسى كورىنىپ، ينفەكتسيالىق ستاتسيونارعا جاتقىزىلعان. جىگىتتىڭ كوروناۆيرۋسقا شالدىققانى قايتالاپ تەكسەرۋدەن كەيىن راستالعان. ال، قىزىلقوعا اۋدانىنىڭ 28 جاسار تۇرعىنى جرۆي بەلگىلەرىمەن وبلىستىق اۋرۋحاناعا جۇگىنگەن. بۇل ايەلدىڭ كوروناۆيرۋس ينفەكتسياسىنا تاپسىرعان ءاناليزى وڭ ناتيجە كورسەتىپ، قازىر ونىمەن بايلانىسقاندار ءتىزىمى تۇزىلۋدە.
«قازىر اتىراۋ وبلىسىندا كوروناۆيرۋس ينفەكسياسى انىقتالعان 16 ادام ينفەكسيالىق اۋرۋحانادا ەمدەلۋدە. سونىمەن بىرگە، اتىراۋ وبلىستىق دەنساۋلىق ساقتاۋ باسقارماسىنىڭ شەشىمىمەن وبلىستىق اۋرۋحانا 2 كۇندىك كارانتينگە جابىلدى. مەديتسينالىق مەكەمەدە دەزينفەكتسيا جۇمىستارى جۇرگىزىلىپ، دەرتكە شالدىققاندارمەن بايلانىستا بولعان دارىگەرلەر مەن ناۋقاستار وقشاۋلانادى» ، - دەپ حابارلادى وڭىرلىك كومۋنيكاتسيالار قىزمەتى.
- قازاقستاندا سوڭعى تاۋلىكتە 1124 ادام كوروناۆيرۋستان جازىلدى
- قازاقستاندا ءبىر تاۋلىكتە 1180 ادام كوروناۆيرۋس جۇقتىردى
- قازگيدرومەت: 21-قاڭتار كۇنگى اۋا رايى بولجامى
- استانادا 21-قاڭتار كۇنى وتەتىن ماڭىزدى شارالار اڭداتپاسى
-
شىمكەنت پوليتسەيلەرى قوناقۇيدەگى ارىستاندى ىزدەستىرىپ جاتىر - ۆيدەو
-
باتىس قازاقستاندا 60 قا جۋىق بالادان كوروناۆيرۋس انىقتالدى


