قورداي وقيعاسى: 3 ادام سوتتالدى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر باس پروكۋرورىنىڭ ورىنباسارى ەرلىك كەنەنبايەۆ ايتتى، دەپ حابارلايدى قازاقپارات ءتىلشىسى. «وسى جىلدىڭ 5- اقپانىندا قورداي اۋدانىنا قاراستى سارىتوبە اۋىلىندا جول ۇستىندە ەكى ءتۇرلى ۇلت وكىلدەرىنىڭ اراسىندا بولعان جاعداي كەزىندە قارت ادامعا جاراقات كەلتىرىلدى. بۇل قىلمىس بويىنشا 2 ادامعا كۇدىك كەلتىرىلىپ وتىر. ونىڭ بىرەۋى سوت سانكسياسىمەن قاماۋعا الىنعان. جاقىن ارادا تەرگەۋ جۇمىستارى اياقتالىپ، ءىستى سوتقا جولدايمىز» ، - دەدى ول.
سونىمەن قاتار ول 7 - اقپان كۇنى وسى اۋىل تۇرعىندارىنىڭ ءبىرى «حوندا وديسسەي» ماركالى كولىگىمەن پوليسيا قىزمەتكەرلەرىنىڭ زاڭدى تالابىنا باعىنباي، ۇيىنە كەتىپ قالعان. ءۇيىنىڭ جانىندا ول تۋىستارىمەن بىرگە پوليسيا قىزمەتكەرلەرىنە كۇش قولدانعان. كۇدىكتىلەر بىردەن ۇستالىپ، سوت سانكسياسىمەن قاماۋعا الىنعان.
«ولاردىڭ زاڭسىز ارەكەتتەرى پوليسيا قىزمەتكەرلەرىنىڭ جاۋاپتارىمەن عانا ەمەس، سونىمەن بىرگە كۋاگەرلەردىڭ ۇيالى تەلەفوندارىنا جازىلعان كوپتەگەن بەينە جازبالارمەن راستالادى. وسى وقيعانى ينتەرنەت رەسرۋستارداعى بەينەروليكتەردەن دە كورۋگە بولادى. وسى جىلدىڭ 18 -ناۋرىزىندا سوت ۇكىمىمەن 3 ادام كىنالى دەپ تانىلىپ، سوتتالدى. سوت ولاردىڭ ءارقايسىسىنا 1,5 جىلدان باس بوستاندىعىنان ايىرۋ جازاسىن تاعايىندادى» ، - دەدى ەرلىك كەنەنبايەۆ.