بالا كۇتىمى بويىنشا جاردەماقى تولەۋدى 3 جىلعا دەيىن ۇلعايتۋ قاراستىرىلۋدا - مينيستر

None
None
نۇر-سۇلتان. قازاقپارات - بالا كۇتىمى بويىنشا جاردەماقىنى تولەۋ مەرزىمىن 3 جىلعا دەيىن ۇلعايتۋ نۇسقاسى قاراستىرىلىپ جاتىر.

بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.

وتىرىس بارىسىندا ءبىرجان نۇرىمبەتوۆ بالالى وتباسىلاردى قولداۋعا ەرەكشە كوڭىل بولىنەتىنىن اتاپ ءوتتى.

«جىل سايىن ەلىمىزدە 400 مىڭعا جۋىق ءسابي دۇنيەگە كەلەدى. انا مەن بالانى قولداۋ ءۇشىن ءبىرقاتار جاردەماقىلار قاراستىرىلعان. سونىمەن، بالا تۋۋ جانە 1 جاسقا دەيىنگى بالانىڭ كۇتىمى ءۇشىن جۇمىس ىستەمەيتىن انالارعا بيۋجەتتەن مەملەكەتتىك جاردەماقى، ال جۇمىس ىستەيتىن انالارعا مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر قاراستىرىلعان. 2019-جىلى بيۋجەتتەن 78 ميلليارد تەڭگە، م ءا س ق- تەن 167 ميلليارد تەڭگە ءبولىندى. 2020-جىلى بيۋجەتتەن 84 ميلليارد تەڭگە جانە م ءا س ق- دان 187 ميلليارد تەڭگە بولىنەدى»، - دەدى ەڭبەك ءمينيسترى.

سونداي-اق، ول بالا كۇتىمى بويىنشا دەمالىستا جۇرگەن ايەلدەردىڭ زەينەتاقى جارنالارى سۋبسيديالاناتىنىن اتاپ ءوتتى. 2019-جىلى 5 ميلليارد تەڭگە بولىنگەنىن، 2020-جىلعا 6 ميلليارد تەڭگە قاراستىرىلعانىن. «التىن القا»، «كۇمىس القا» القالارمەن ماراپاتتالعان، «باتىر انا» اتاعىن العان 235 مىڭ كوپبالالى اناعا ارنايى جاردەماقى تولەنۋدە. مۇمكىندىكتەرى شەكتەۋلى بالاعا، بالا كەزىنەن ءبىرىنشى توپتاعى كامەلەتكە تولعان مۇگەدەككە كۇتىم جاساپ وتىرعان 99 مىڭ ادام اي سايىن جاردەماقى الادى.

«2019-جىلى انا مەن بالانى قولداۋعا بيۋجەتتەن جانە م ءا س ق- دان 372,4 ميلليارد تەڭگە ءبولىندى. 2020-جىلعا وسى ماقساتتارعا 558,5 ميلليارد تەڭگە قاراستىرىلعان. بۇگىن ءبىز بالا كۇتىمى بويىنشا جاردەماقى ماسەلەسىن كوتەرىپ جاتىرمىز. ءبىز ونى تولەۋ مەرزىمىن 1,5 نەمەسە 3 جىلعا دەيىن ۇلعايتۋ نۇسقالارىن قاراستىرۋدامىز. تابىسى از وتباسىلارداعى مەكتەپكە بارمايتىن مۇگەدەك بالالارعا كەپىلدەندىرىلگەن الەۋمەتتىك توپتامانى ۇيىنە جەتكىزۋ مۇمكىندىگى قاراستىرىلاتىن بولادى»، - دەدى ءبىرجان نۇرىمبەتوۆ.


سوڭعى جاڭالىقتار