رەسەيدىڭ 3 قالاسىندا ابايعا ارنالعان كورمە وتەدى
جىل باسىنان بەرى نۇر- سۇلتان، پاۆلودار، اقتوبە قالالارىندا ابايدىڭ ءومىرى مەن شىعارماشىلىعىنا ارنالعان كورمە وتكىزىلگەن. بۇل جايلى «جيدەباي- ءبورىلى» مەملەكەتتىك تاريحي- مادەني جانە ادەبي- مەموريالدىق قورىق- مۋزەيىنىڭ ديرەكتورى جاندوس اۋباكىر ءمالىم ەتتى.
«الداعى ۋاقىتتا الماتى، اتىراۋ، قىزىلوردا، تالدىقورعان جانە تاعى باسقا بىرنەشە شاھاردا، سونىمەن بىرگە رەسەيدىڭ ءنوۆوسىبىر، ومبى، بارناۋل قالالارىندا مۋزەي قورىنان كورمە ۇيىمداستىرىلاتىن بولادى. سەمەي قالاسىندا حالىقارالىق عىلىمي- تاجىربيەلىك كونفەرەنتسيا وتكىزۋدى جوسپارلاپ وتىرمىز. سونداي- اق ابايدىڭ تاڭدامالى شىعارمالارىنىڭ 4 تىلدەگى جيناعى (قازاق، ورىس، قىتاي، اعىلشىن) ، مۋزەي تۋرالى البوم- كىتاپ، بۋكلەتتەر دايىندالماق» ، - دەيدى ول.
ەستەرىڭىزگە سالا كەتسەك، وسىعان دەيىن اباي مۋزەيى ەكسپوزيتسياسىن جاڭعىرتۋعا 250 ميلليون تەڭگە بولىنەتىندىگى حابارلانعان بولاتىن.