بيىل قولجەتىمدى تۇرعىن ءۇي كولەمىن 3 ەسە ۇلعايتامىز - التاي كولگىنوۆ
بۇل تۋرالى قازاقپارات اكىمدىك سايتىنا سىلتەمە جاساپ حابارلايدى.
كەزدەسۋگە سونداي-اق، مەملەكەتتىك ورگانداردىڭ، تۇرعىن ءۇي قۇرىلىس جيناق بانكىنىڭ جانە قۇرىلىس كومپانيالارىنىڭ وكىلدەرى قاتىستى. پرەمەر-ءمينيستردىڭ ورىنباسارى رومان سكليار ەلىمىزدە «نۇرلى جەر» باعدارلاماسى ءساتتى جۇزەگە اسىرىلىپ جاتقانىن اتاپ ءوتتى. وتكەن جىلى 13 ميلليون 130 مىڭ شارشى مەتر تۇرعىن ءۇي سالىندى.
«قولجەتىمدى تۇرعىن ءۇي سەگمەنتىن سالۋ ءۇشىن بارلىق قاجەتتى رەزەرۆتەر بار. مىسالى، «نۇرلى جەر» باعدارلاماسىنا وزگەرىستەر ەنگىزىلدى. تۇرعىندار تاراپىنان سۇرانىس بار، تۇرعىن ءۇي قۇرىلىسى قارقىنىن ۇلعايتۋ قاجەت.
ەلوردا اكىمى التاي كولگىنوۆ وتكەن جىلى 2020-2021-جىلدارعا ارنالعان تۇرعىن ءۇي قۇرىلىسىنىڭ كولەمىن ارتتىرۋ مەن مەملەكەت باسشىسىنىڭ تاپسىرمالارىن ورىنداۋ اياسىندا ۇلەستىك قۇرىلىس نىساندارىنىڭ ماسەلەسىن شەشۋ بويىنشا دايىندىق جۇمىستارى قولعا الىنعاندىعىن ايتتى.
«تۇرعىن ءۇي ماسەلەسى- باستى، ماڭىزدى باعىتتاردىڭ ءبىرى. وتكەن جىلى كەزەكتە تۇرعان 2900 ازامات پاتەر الدى. مەملەكەت باسشىسىنىڭ تاپسىرماسىنا سايكەس بيىل قولجەتىمدى باسپانا كولەمى 3 ەسە ۇلعايسا، 2021-جىلى ودان دا كوپ بولماق. ءۇي قۇرىلىسى كومبيناتىنىڭ جۇمىسى كومەكتەسەدى- مەملەكەتتىڭ قولداۋىنىڭ ارقاسىندا كاسىپورىننىڭ جۇمىسى جاڭارتىلدى. ۇيلەردىڭ ساپاسىنا نۇقسان كەلتىرىلمەي، شارشى مەتردىڭ قۇنىن ازايتۋعا جانە تۇرعىزۋ مەرزىمىن قىسقارتۋعا كومەكتەسەدى. ءبىرقاتار ماسەلەلەر بىرلەسە جۇمىس اتقارۋدى تالاپ ەتەدى»، - دەدى ا. كولگىنوۆ.
2020-جىلى جالپى 500 مىڭ شارشى مەتردەن استام تۇرعىن ءۇي سالۋ جوسپارلانعان - بۇل شامامەن 8 مىڭ پاتەر. 2021-جىلى 8,5 مىڭ پاتەردى پايدالانۋعا بەرۋ جوسپارلانىپ وتىر. 7800 دەن استام ۇلەسكەر پاتەر الىپ، قۇجاتتارىن راسىمدەي الادى. 2019-جىلى قابىلدانعان شارالاردىڭ ارقاسىندا 10 نىسان پايدالانۋعا بەرىلدى. (11 ءۇي، 2,5 مىڭ ۇلەسكەر).
ءاربىر قۇرىلىسى ۇزاققا سوزىلعان نىسان بويىنشا قادامدىق ءىس-شارالار جوسپارى ازىرلەندى.