بەيجىڭدە مەديتسينالىق ماسكانىڭ باعاسىن كوتەرگەن ءدارىحانا 3 ميلليون يۋان ايىپپۇل تولەيدى

بەيجىڭ. قازاقپارات - بەيجىڭدەگى Jimin Kangtai ءدارىحاناسى قورعانىس ماسكالارىنىڭ باعاسىن وسىرگەنى ءۇشىن 3 ميلليون يۋان (434,5 مىڭ دوللار) ايىپپۇل تولەيدى، دەپ حابارلايدى قازاقپارات نارىقتى باقىلاۋ جانە رەتتەۋ مۋنيتسيپالدىق باسقارماسىنا سىلتەمە جاساپ.

بۇل ءدارىحانا قورعانىس ماسكاسىنىڭ باعاسىن التى ەسەگە كوتەرگەن. 23- قاڭتاردان باستاپ بەيجىڭدەگى ساۋدا ورىندارىندا باعا ساياساتىن بۇزۋدى جانە ماسكالار، دەزينفەكتسيالاۋ قۇرالدارى مەن ءدارى-دارمەكتەر باعاسىن كوتەرۋدى انىقتاۋ ماقساتىندا تەكسەرۋ ءجۇرىپ جاتىر.

31 ءىس قوزعالىپ، بيلىك سەيسەنبى كۇنى ماتەريالدى وندىرىسكە ەنگىزدى. زاڭ بۇزۋشىلىق فاكتىلەرى تۋرالى بيلىككە حابارلاۋ ءۇشىن شۇعىل جەلىلەر اشىلدى. بەيجىڭدەگى دۇكەندەر مەن ءدارىحانالاردا ماسكالار مەن ۆيرۋسقا قارسى قۇرالدار وتكەن اپتادان بەرى بىتە باستادى.