+7 (701) 759 90 19
11 °С : نۇر-سۇلتان
25 °С : الماتى
USD 420.76 EUR 498.6
RUB 5.6 CNY 62.27
جاڭالىقتار

گرانتپەن وقىعان تۇلەكتەر اۋىلدا 3 جىل جۇمىس ىستەيتىن بولادى

11 جەلتوقسان 20:05
:ءبولىسۋ
گرانتپەن وقىعان تۇلەكتەر اۋىلدا 3 جىل جۇمىس ىستەيتىن بولادى

نۇر-سۇلتان. قازاقپارات - اۋىل جاستارىنا ارنالعان كۆوتا بويىنشا اگرارلىق جوعارى وقۋ ورىندارىن بىتىرگەن تۇلەكتەر 2020 -جىلدان باستاپ اۋىلدىق جەرلەردە 3 جىل جۇمىس ىستەۋگە مىندەتتى بولادى،

دەپ حابارلادى اۋىل شارۋاشىلىعى مينيسترلىگىنىڭ باسپا ءسوز قىزمەتى.

ق ر اۋىل شارۋاشىلىعى مينيسترلىگى اۋىل شارۋاشىلىعى سالاسى ءۇشىن ماماندار دايارلاۋعا قاتىستى ۇلتتىق زاڭناماعا ءبىرقاتار تۇزەتۋلەر ەنگىزدى. اعىمداعى جىلدىڭ 28 - قازانىندا مەملەكەت باسشىسى ءتيىستى زاڭعا قول قويدى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى اياسىندا «ءبىلىم تۋرالى» زاڭنىڭ 47-بابىنا وزگەرىس ەنگىزىلدى. جاڭا زاڭ بويىنشا اۋىلدىق كۆوتامەن اۋىل شارۋاشىلىعى ماماندىقتارىندا وقىعان ج و و- نىڭ تۇلەكتەرى اۋىلدىق جەرلەردە كەمىندە 3 جىل جۇمىس ىستەيدى.

زاڭنامانى وزگەرتۋ مەملەكەت ەسەبىنەن جوعارى نەمەسە جوعارى وقۋ ورنىنان كەيىنگى ءبىلىم العان اۋىل جاستارىن اگرارلىق بەيىندەگى ۇيىمداردا كەپىلدى تۇردە جۇمىسقا ورنالاسۋىنا مۇمكىندىك بەرمەك.

«مينيسترلىك بۇل شارا اۋىل شارۋاشىلىعى تاۋارىن وندىرۋشىلەردىڭ كاسىبي كادرلارعا دەگەن سۇرانىسىن ارتتىرۋعا مۇمكىندىك بەرەدى دەپ سانايدى. جاڭاشىلدىق جاستاردى جۇمىسپەن قامتاماسىز ەتۋ ماسەلەلەرىن شەشەدى. سونداي- اق اۋىلدىق جەردە اۋىل شارۋاشىلىعى ماماندىعى بويىنشا مۇلدە جۇمىس ىستەۋدى جوسپارلاماعان تالاپكەرلەردىڭ اۋىلدىق كۆوتامەن مەملەكەتتىك گرانتقا تۇسۋىنە جول بەرمەيدى»، - دەلىنگەن حابارلامادا.

بۇعان دەيىن حابارلاعانىمىزداي، «ق ر كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى اياسىندا ق ر ءبىلىم جانە عىلىم مينيسترلىگىنىڭ جوعارى جانە ورتا ارناۋلى وقۋ ورىندارىنداعى اۋىل شارۋاشىلىعى ماماندىقتارى بويىنشا ماماندار دايارلاۋعا ارنالعان مەملەكەتتىك ءبىلىم بەرۋ تاپسىرىستارىنىڭ كولەمىن انىقتاۋ، ولاردى ءبولۋ مەن ورنالاستىرۋ ق ر اۋىل شارۋاشىلىعى مينيسترلىگىنىڭ قۇزىرەتىنە بەرىلگەن بولاتىن.

www.24.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات