قازاقستاندىق كاراتەشىلەر مادريدتە 3 التىن ەنشىلەدى
مادريد. قازاقپارات - مادريدتە (يسپانيا) كاراتەدەن «پرەمەر ليگا- مادريد وپەن 2019» باسەكەسى مارەگە جەتتى.
حالىقارالىق تۋرنير قورىتىندىسىندا قازاقستان 3 التىن ولجالادى، دەپ حابارلايدى قازاقپارات Olympic.kz-كە سىلتەمە جاساپ.
75 كەلى سالماق دارەجەسىندە ازيا چەمپيونى ەرمەك اينازاروۆ فينالدا فرانتسيالىق لوگان دا كاستويمەن كۇش سىناستى. ەكەۋى دە ءبىرى- بىرىنە وڭايلىقپەن بەرىسپەدى. ەسەپ 1:1. تەك تورەشىلەردىڭ شەشىمىمەن التىن مەدال قازاقستاندىققا بۇيىردى.
ال باستى ايقاس - 60 كەلىگە دەيىنگى سالماق ساناتىنداعى دارحان ءاسادىلوۆ وزگە قازاقستاندىق قايسار الپىسبايەۆپەن كەزدەسۋى ءتيىس ەدى. قايسار جەكپە- جەككە شىعۋدان باس تارتىپ، دارحانەش كۇرەسسىز چەمپيون اتاندى.
قىزدار اراسىندا 61 سالماق ساناتىنداعى سوفيا بەرۋلتسيەۆا فينالدىق ايقاستا گرەكيالىق ەلەنا چاتزيليدوۋدى ءسۇرىندىرىپ، جەڭىس تۇعىرىنا كوتەرىلدى.
اتان وتكەن ءجون، مادريدتەگى تۋرنيردە قازاقستان ۇلتتىق كومانداسى جالپى كوماندالىق ەسەپتە ءبىرىنشى ورىنعا شىقتى.