+7 (701) 759 90 19
-1 °С : نۇر-سۇلتان
-3 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

قوستاناي وبلىسى ەل قامباسىنا 3 ميلليون توننا استىق قۇيدى - ارحيمەد مۇحامبەتوۆ

18 قاراشا 15:13
:ءبولىسۋ
قوستاناي وبلىسى ەل قامباسىنا 3 ميلليون توننا استىق قۇيدى - ارحيمەد مۇحامبەتوۆ

قوستاناي. قازاقپارات - قوستانايدا وبلىس اكىمى ارحيمەد مۇحامبەتوۆتىڭ قاتىسۋىمەن اۋىل شارۋاشىلىعى قىزمەتكەرلەرى كۇنى اتالىپ ءوتىلدى، دەپ حابارلايدى قازاقپارات.

مەرەكەلىك شارا باسىندا وبلىس اكىمىنىڭ ءبىرىنشى ورىنباسارى عاۋەز نۇرمۇحامبەتوۆ بايانداما جاسادى. ونىڭ ايتۋىنشا، بيىل وبلىستىڭ اگروونەركاسىپتىك كەشەنىن دامىتۋعا 33,3 ميلليارد تەڭگە بولىنگەن. ماشينا- تراكتور پاركى %3 عا جاڭارتىلعان. ال ايماقتا 4,7 ميلليون گەكتار القاپقا ءدان ەگىلگەن.

«شامامەن 3,3 ميلليون گەكتارعا بيداي ەگىلسە، قالعانىنا ءداندى داقىلدار سەبىلدى. ەگىس القاپتارىن ءارتاراپتاندىرۋ ارقىلى مايلى داقىلداردىڭ ەگىستىگى 510 مىڭ گەكتارعا دەيىن ۇلعايتىلدى. بىلىكتى تەحنولوگيا مەن تىنىمسىز تەر توگۋدىڭ ارقاسىندا جوعارى ونىمگە قول جەتكىزىپ، تابىستى ەڭبەك ۇلگىسىن كورسەتە بىلگەن وزات شارۋاشىلىقتار از ەمەس. ولاردىڭ قاتارىندا گەكتارىنا 20 سەنتنەر استىق العان سارىكول اۋدانىنداعى «ەلسان اگرو» ج ش س، مەڭدىقارا اۋدانىنداعى «قاراسور گرۋپ» ج ش س بار. ءبىر گەكتار القاپتان 25-26 سەنتنەر ءونىم العان سارى كولدىك «ك. ك. وتەمىسوۆ» ، ۇزىنكولدىك «ت. گ. ريزايەۆا» شارۋاشىلىقتارى دا قۇرمەتكە لايىق» - دەدى ع. نۇرمۇحامبەتوۆ.

وبلىس اكىمى بيىلعى قاتتى قۋاڭشىلىققا قاراماستان، ەل قامباسىنا 3 ميلليون توننادان ارتىق استىق قۇيعان ديقاندارعا العىس ايتتى.

«ەگىلگەن ءداننىڭ 3 ميلليون توننادان استامىن جيناي بىلگەن شارۋالارعا العىسىم مول. وسىنداي قيىن جاعدايدا ءوسىرىلىپ جينالعان استىق ءبىز ءۇشىن وتە باعالى ءارى قىمبات. الىنعان ءبيدايدىڭ كولەمى وبلىستىڭ ازىق- تۇلىك قاۋىپسىزدىگىن قامتاماسىز ەتۋ ءۇشىن دە، سونداي- اق سىرتقى نارىقتارعا ساتۋ ءۇشىن دە جەتكىلىكتى. نەگىزى، ءبىزدىڭ تاۋار وندىرۋشىلەر قولايسىز اۋا رايى قۇبىلىستارىمەن العاش رەت بەتپە- بەت كەلىپ وتىرعان جوق. دەگەنمەن، ەگىس القاپتارىنىڭ قۇرىلىمىن ءارتاراپتاندىرۋ، جاڭا اگروتەحنولوگيالاردى ەنگىزۋ، تەحنيكالىق قايتا جاراقتاندىرۋ جانە تۇپتەپ كەلگەندە، ءونىمنىڭ وزىندىك قۇنىن تومەندەتۋ ارقىلى وعان قارسى تۇرۋ مۇمكىندىگى بار. سوڭعى جىلدارى ءبىز مۇنىمەن ماقساتتى تۇردە اينالىسىپ كەلەمىز، وڭ ناتيجە دە بار» ، - دەيدى ءوڭىر باسشىسى.

ارحيمەد مۇحامبەتوۆ اۋىل شارۋاشىلىق سالاسىنىڭ دامۋىنا ەلەۋلى ۇلەس قوسقان ءبىرقاتار شارۋاشىلىق باسشىلارى مەن ۇيىمداستىرۋشىلاردى ماراپاتتادى. دەنيسوۆتىك «فرۋنزەنسكوە» ج ش س- نىڭ ديرەكتورى نيكولاي شەرەر، التىنساريندىك «اگروكوترەيد» ج ش س- نىڭ باسشىسى ءتالىب ساناقۇلوۆ، اۋليەكولدىك «ساناگرو» سەرىكتەستىگىنىڭ باسشىسى اسىلبەك قۇربانوۆ، ءدامدى اۋىلدىق وكرۋگىنىڭ اكىمى ساعىندىق ورازبايەۆتارعا «اۋىلشارۋاشىلىق سالاسىنىڭ ۇزدىگى» توسبەلگىسىن قاداسا، «ولجا اگرو» ج ش س باس ديرەكتورىنىڭ ورىنباسارى اسان حودجانازاروۆ (قوستاناي ق. ) ، «ترويانا» ج ش س- نىڭ ديرەكتورى يۋري مالىشكو (فەدوروۆ اۋدانى) ، «س. ب. ەسمەنتايەۆ» شارۋاشىلىعىنىڭ ديرەكتورى ساعىندىق ەسمەنتايەۆ (قوستاناي اۋدانى) ، «مايلين» ج ش س ديرەكتورى ۆلاديمير بۋشكين سياقتى بىلىكتى باسشىلار «ەڭبەك ارداگەرى» مەدالدارىمەن ماراپاتتالدى. مۇنىڭ سىرتىندا ون شاقتى ديحان قر اۋىل شارۋاشىلىعى ءمينسترىنىڭ قۇرمەت گراموتاسىنا يە بولدى.

سالتاناتتى شارانىڭ سوڭى اۋىل شارۋاشىلىعى قىزمەتكەرلەرى كۇنىنە ارنالعان مەرەكەلىك كونسەرتكە ۇلاستى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات