ەلوردادا قۇرىلىسشى 3 ايلىق ءسابيدى قۇتقارىپ قالدى

None
None
نۇر- سۇلتان. قازاقپارات - ەلورداداعى ساياجايدان شىققان ورتتەن، قۇرىلىسشىلار 3 ايلىق ءسابيدى امان الىپ قالدى، دەپ حابارلايدى، قازاقپارات ءتىلشىسى.

ق ر ءى ءى م ت ج ك ءتوراعاسى ۆلاديمير بەككەر وقيعانىڭ ءمان- جايىن ايتىپ بەردى.

«ءورت بولعان كۇنى ۇيدە اناسى مەن 2016، 2019 -جىلى تۋعان ەكى بالاسى بولعان. اناسى دالاعا شارۋالارىمەن شىعىپ كەتكەن كەزدە ۇلكەن ۇلى سىرىڭكەنى قولىنا الىپ ويىنعا اينالدىرعان. ناتيجەسىندە ۇيدەگى زاتتار ورتەنە باستاعان»، - دەيدى ول.

بالالاردىڭ اناسى كىرگەن كەزدە ءۇي ءىشى كوك ءتۇتىن بولعان جانە شىعا بەرىس ەسىكتە 2016 -جىلى تۋعان ۇلى جاتقان.

«ۇلىن دالاعا شىعارعان اناسى ۇيگە قايتا كىرە الماعان. ساياجاي ماڭىندا ورنالاسقان قۇرىلىس كومپانياسىنىڭ جۇمىسشىلارى كومەككە كەلگەن. ءۇش قۇرىلىسشىنىڭ ءبىرى جانىپ جاتقان ۇيگە كىرىپ، بەسىكتە جاتقان 2019 -جىلى تۋعان ءسابيدى الىپ شىققان»، - دەيدى كوميتەت ءتوراعاسى.

2019 - جىلعى ءسابيدىڭ دەنەسى % 7 كۇيىپ قالسا، ۇلكەن ۇلى ىستان ورتاشا دەڭگەيدە ۋلانعان. «استانا دور يندۋستريا» ج ش س- نىڭ جۇمىسشىسى، راميل احمەتجانوۆ ەسىمدى قۇتقارۋشى ەرلىگى ءۇشىن مەدالمەن ماراپاتتالادى.

اۆتور: زارينا قاھارمان

سوڭعى جاڭالىقتار