اقمولالىق ارمرەستلەرلەر الەم چەمپيوناتىندا 3 التىن مەدال يەلەندى
اقمولا وبلىستىق دەنە شىنىقتىرۋ جانە سپورت باسقارماسىنىڭ مالىمەتىنشە، كونستانسە قالاسىندا وتكەن بايراقتى جارىسقا الەمنىڭ 54 ەلىنەن 1500 گە جۋىق سپورتشى قاتىستى. ۇلتتىق قۇراما ساپىندا بولعان اقمولالىق ارمرەستلەرلەر ءار دەڭگەيدەگى 6 مەدال يەلەندى.
«ناقتىراق ايتساق، جاستار اراسىندا 65 كەلى سالماقتا سىنعا تۇسكەن دميتري تيۋكوۆ سول قولىمەن قارسىلاستارىنىڭ بارلىعىن جەڭىپ، الەم چەمپيونى اتاندى. بۇل ونىڭ الەم چەمپيوناتىنداعى ەكىنشى التىن جۇلدەسى.
سونىمەن قاتار، ەستۋ قابىلەتى ناشار ايەلدەر اراسىندا 70 كەلىدەن جوعارى سالماقتا ليۋبوۆ گەرگەرت سول قول كۇرەسىندە جارىس جەڭىمپازى اتانسا، ەرلەر اراسىندا 100 كەلىدەن جوعارى سالماقتا اندرەي پۋتينسيەۆ ءبىر التىن جانە ءبىر كۇمىس جۇلدەگە قول جەتكىزدى.
بۇدان بولەك، تىرەك قيمىل اپپاراتى بۇزىلعان ايەلدەر اراسىندا سول قول كۇرەسىندە سۆەتلانا لوپاتا ءۇشىنشى، جاستار اراسىندا 90 كەلى سالماقتا وڭ قول كۇرەسىندە دانيل بوريسوۆ بەسىنشى ورىنعا تۇراقتادى»، - دەيدى اقمولا وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشينا.
اۆتور: اسلان وسپانوۆ