قاراعاندىدا بەلگىسىز ادام جولاۋشىلار تولى 3 اۆتوبۋسقا وق اتتى

قاراعاندى. قازاقپارات - قاراعاندىدا كەشكى ۋاقىتتا بەلگىسىز ادامدار ايالدامادا تۇرعان جولاۋشى اۆتوبۋستارىنا پنيەۆماتيكالىق قارۋدان وق اتقان، دەپ حابارلايدى قازاقپارات ءتىلشىسى.

وقيعا 8 -قازان كۇنى ساعات 19.00 شاماسىندا بولعان. بەلگىسىز ادام پنيەۆماتيكالىق قارۋدان وق اتىپ ءۇش باعىتتاعى اۆتوبۋستىڭ شىنىسىن زاقىمداعان.

سول كەزدە №40-اۆتوبۋستىڭ سالونىندا 45 كە جۋىق، №45-مارشرۋتتى اۆتوبۋستا 120 عا جۋىق جانە №33-اۆتوبۋستا 70 كە جۋىق جولاۋشى بولعان. وقيعا سالدارىنان ەشكىم زارداپ شەكپەگەن.

«جاعدايدى تەكسەرۋ بارىسىندا №45-مارشرۋتتىق اۆتوبۋس سالونىنان پنيەۆماتيكادا قولدانىلاتىن ديامەترى 4,5 م م مەتالل شاريك تابىلدى. اتالعان دەرەك بويىنشا ق ر ق ك 293 - بابىنىڭ 3-بولىگىنىڭ 2-تارماعى «بۇزاقىلىق» بويىنشا قىلمىستىق ءىس تىركەلدى»، - دەدى قاراعاندى وبلىسى پ د باسپا ءسوز قىزمەتى.

قازىرگى ۋاقىتتا پوليتسيا قىزمەتكەرلەرى كۇدىكتىنى انىقتاۋ جانە ۇستاۋ شارالارىن قابىلداۋدا.