پوليتسەيدى ۇرعان قىزىلوردالىق 3 جىلعا سوتتالدى
بيىل شيەلى اۋدانىنىڭ تۇرعىنى قىزىلوردا قالاسىندا تەلەفون ۇرلىعى بويىنشا پوليتسيا قولىنا ءتۇستى. ءدال سول ساتتە ول پوليتسياعا قارسىلىق كورسەتىپ، وعان دەنە جاراقاتىن سالعان.
«اتالعان دەرەك بويىنشا ق ر قىلمىستىق كودەكسىنىڭ 380-بابىنىڭ 1-بولىگىمەن بويىنشا سوتقا دەيىنگى تەرگەۋ ءجۇردى. تەرگەۋ بارىسىندا بۇل ازاماتتىڭ بيىل 15 -مامىردا شيەلى اۋدانى تۇرعىنىنا كۇش كورسەتىپ، ۇيالى تەلەفونى مەن اقشاسىن تارتىپ العاندىعى انىقتالدى. كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى قولدانىلدى. ەكى دەرەك بويىنشا قىلمىستىق ءىس قۇجاتتارى سوتقا جولدانعان»، - دەدى قالالىق پوليتسيا باسقارماسىنىڭ باسپا ءسوز قىزمەتى.
اتالمىش قىلمىستىق ءىس بويىنشا قىزىلوردا قالالىق سوتى ۇكىم شىعاردى. سوت ۇكىمىمەن ول كىنالى دەپ تانىلىپ، 3 جىلعا باس بوستاندىعىنان ايىرىلدى.
ايتا كەتسەك، بيىل قىزىلوردا قالاسى پوليتسيا باسقارماسىندا بيلىك وكىلىنە باعىنباۋى جانە ولارعا قارسى كۇش قولدانۋدىڭ 9 دەرەگى تىركەلگەن ەكەن.
اۆتور: ءادىلجان ۇمبەت