قازاقستاندىقتاردىڭ 3 ميلليون تەڭگە مەن اۆتوكولىك ۇتىپ الۋعا مۇمكىندىگى بار
بۇل تۋرالى قازاقپارات مەملەكەتتىك كىرىستەر كوميتەتىنە سىلتەمە جاساپ حابارلايدى.
اكسيانىڭ ماقساتى - ازاماتتىق بەلسەندىلىكتى ارتتىرۋ، تاۋارلاردىڭ، جۇمىستاردىڭ جانە قىزمەتتەردىڭ تۇتىنۋشىلارى رەتىندە ءوز مۇددەلەرىن قورعاۋ ماسەلەلەرىندە ازاماتتاردىڭ قۇقىقتىق مادەنيەتىن تاربيەلەۋ، كولەڭكەلى ەكونوميكانىڭ مولشەرىن قىسقارتۋ، سونداي- اق كاسىپكەرلەر اراسىندا ءادىل باسەكەلەستىكتى ىنتالاندىرۋ.
«اكسياعا ونلاين- ب ك م فيسكالدى چەگىنىڭ دەرەكتەرىن جىبەرۋ جولىمەن تاۋاردىڭ، جۇمىستىڭ نەمەسە قىزمەتتىڭ تۇتىنعانىن راستاعان قازاقستان ازاماتتارى قاتىسا الادى. چەكتى جىبەرگەننەن كەيىن قاتىسۋشى 5000 تەڭگەگە دەيىنگى قاراجاتتى بىردەن تەلەفون تەڭگەرىمىنە الۋ مۇمكىندىگىن الادى. جەدەل سىيلىقتاردىڭ جۇلدە قورى 000 3000 تەڭگەنى قۇرايدى. بارلىق جىبەرىلگەن چەكتەر اكسيانىڭ باس جۇلدەسى - اۆتوكولىك ۇتىس ويىنىنا قاتىسادى. ەگەر فيسكالدى چەك بەرىلمەگەن جاعدايدا، ازاماتتار بۇل بۇزۋشىلىقتارعا ۆيدەو ارقىلى شاعىم جاساۋى مۇمكىن. اكسيا كەزىندە ۇتىسقا ونلاين- ب ك م فيسكالدى چەكتەرى قاتىسادى» ، - دەلىنگەن كوميتەت حابارلاماسىندا.
باس فينال جىلدىڭ سوڭىندا ق ر ق م مەملەكەتتىك كىرىستەر كوميتەتىندە وتەدى. وندا باعالى سىيلىقتار، ونىڭ ىشىندە باس جۇلدە - اۆتوموبيل ۇتىسقا سالىنادى. ۇتىس جەڭىمپازدارى چەكتى كەزدەيسوق تاڭداۋ ادىسىمەن انىقتالاتىن بولادى. وسىلايشا، قاتىسۋشى قانشالىقتى كوپ چەك جىبەرسە، جۇلدەنى ۇتىپ الۋ مۇمكىندىگى دە سونشالىقتى وسە تۇسەدى.
اكسيا كاسىپكەرلەردىڭ قولما- قول اقشامەن تاۋارلاردى ساتىپ العانى، جۇمىستاردى ورىنداعانى جانە قىزمەتتەردى كورسەتكەنى ءۇشىن اقشالاي ەسەپ- ايىرىسۋلار كەزىندە چەكتەردىڭ بەرۋىن قامتاماسىز ەتۋگە باعىتتالعان.