+7 (701) 759 90 19 Лента
19 °С : نۇر-سۇلتان
25 °С : الماتى
USD 386.91 EUR 428.81
RUB 5.79 CNY 54.79
جاڭالىقتار

ەلوردا حالقى الداعى ونجىلدىقتاردا 3 ميليوننان اسىپ كەتەدى

15 تامىز 11:33 66
:ءبولىسۋ
ەلوردا حالقى الداعى ونجىلدىقتاردا 3 ميليوننان اسىپ كەتەدى

نۇر- سۇلتان. قازاقپارات - نۇر- سۇلتان قالاسىنىڭ حالقى الداعى ونجىلدىقتاردا 3 ميليوننان اسادى، دەپ حابارلايدى قازاقپارات ەڭبەك رەسۋرستارىن دامىتۋ ورتالىعىنا سىلتەمە جاساپ.

تۋۋ جانە ءولىم- ءجىتىم كورسەتكىشتەرى وتكەن جىلدىڭ دەڭگەيىندە ساقتالسا 30 جىلدان كەيىن قازاقستان حالقى 24 ميلليون ادامنان اسادى. ولاردىڭ 9 ميلليونى ەلىمىزدىڭ ەڭ ءىرى ءۇش قالاسىندا تۇراتىن بولادى.

مۇنداي تۇجىرىمدارعا ەڭبەك رەسۋرستارىن دامىتۋ ورتالىعىنىڭ (بۇدان ءارى ەردو) ساراپشىلارى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ اقپاراتىن تالداۋ ناتيجەسىندە قول جەتكىزدى. رەسمي مالىمەتتەرگە سايكەس، قازاقستان حالقى بيىل 1 - شىلدەدەگى جاعداي بويىنشا جىل باسىنان بەرى 112 مىڭ ادامعا كوبەيىپ، 18,5 ميلليوننان اسقان.

سونىمەن بىرگە، قالالانۋ (ۋربانيزاتسيا) پروتسەسى بەلسەندى تۇردە جالعاسۋدا. ءبىرىنشى جارتىجىلدىقتا 112 مىڭ تۇرعىننىڭ ىشىندە قالالاردىڭ ۇلەسى %74,3 قۇرادى (2019 -جىلدىڭ باسىندا % 58,2 بولعان). اۋىلدىق جەرلەردەگى حالىقتىڭ سانى بار- جوعى 29 مىڭ ادامعا ءوستى، بۇل تومەن كورسەتكىش تۇرعىنداردىڭ اۋىلداردان كەتۋىمەن بايلانىستى. جىل باسىنان بەرى اۋىلدىق اۋماقتاردان كوشى- قوننىڭ تەرىس سالدوسى 23 مىڭ، ال تابيعي ءوسىم 52 مىڭ ادامدى قۇرادى.

الماتى، نۇر- سۇلتان جانە شىمكەنت قالالارىندا قازىرگى ۋاقىتتا حالىقتىڭ % 22 تۇرادى. ەگەر ولارعا ىرگەلەس جاتقان وبلىستاردى (الماتى، اقمولا جانە تۇركىستان) قوسساق، وندا بۇل كورسەتكىش % 47,5 دەيىن ارتادى.

ەردو ساراپشىلارىنىڭ مالىمەتى بويىنشا، تۋۋ جانە ءولىم- ءجىتىم كورسەتكىشتەرى وتكەن جىلدىڭ دەڭگەيىندە، ال كوشى- قون اعىندارى سوڭعى بەس جىلدىڭ ورتاشا مانىندە ساقتالسا قازاقستان حالقىنىڭ ورتاشا جىلدىق سانى 2027 -جىلعا قاراي 20 ميلليون ادامنان اسادى، ال 2050 -جىلعا قاراي ول 24,5 ميلليون ادامعا جەتەدى.

«وسى جاعدايلاردا 2050 -جىلعا قاراي نۇر- سۇلتان قالاسى تۇرعىندارىنىڭ سانى 3,1 ميليوننان اسادى، بۇل 2018 -جىلمەن سالىستىرعاندا % 194 وسىمگە سايكەس كەلەدى جانە ەڭ ءىرى مەگاپوليس - الماتىعا جاقىنداي تۇسەدى. وتىز جىلدان سوڭ وسى شاھار تۇرعىندارىنىڭ سانى 3,3 ميلليونعا جەتىپ، ءوسىم % 82 قۇرايدى. ۇشكىنشى مەگاپوليس - شىمكەنتتەگى حالىق سانى 2050 - جىلعا تامان 2,6 ميلليون ادامعا نەمەسە % 167 دەيىن وسەدى»، دەدى ە ر د و ەڭبەك رەسۋرستارىن بولجاۋ دەپارتامەنتىنىڭ ديرەكتورى دميتري شۋمەكوۆ.

ول سونىمەن قاتار، رەسپۋبليكانىڭ وڭىرلەرى اراسىندا مۇناي وندىرەتىن ايماقتاردا حالىقتىڭ قارقىندى ءوسۋى كۇتىلەتىنىن اتاپ ءوتتى. ساراپشىلاردىڭ بولجاۋىنشا 2050 -جىلعا قاراي ماڭعىستاۋ وبلىسىندا شامامەن 1 ميلليون 360 مىڭ ادام (2018 -جىلى - 669,3 مىڭ ادام)، اتىراۋدا - 1,1 ميلليون ادام (2018 -جىلى - 627,2 مىڭ ادام) تۇراتىن بولادى.

«الايدا حالىقتىڭ ءوسۋى بىركەلكى ەمەس. 2050 -جىلعا قاراي بەس وبلىستىڭ (اقمولا، قاراعاندى، پاۆلودار، سولتۇستىك جانە شىعىس قازاقستان وبلىستارى) حالقى بۇتىندەي ەسەپتەگەندە 1,3 ميلليون ادامعا نەمەسە 2018 -جىلمەن سالىستىرعاندا % 24 قىسقارۋى مۇمكىن. تەك ءبىرىنشى جارتىجىلدىقتا اتالعان وڭىرلەردىڭ حالقى 8,3 مىڭ ادامعا ازايعان، ال كەتكەن ادامداردىڭ سانى كەلگەندەردەن 21,4 مىڭعا ارتىق. ەگەر كوشى- قون قۇرىلىمىندا 20-30 جاس ارالىعىنداعى ادامدار باسىم بولاتىندىعىن ەسكەرسەك، تابيعي ءوسۋ دەڭگەيىنىڭ تومەندەۋىنە بايلانىستى ادام سانىنىڭ ازايۋى بۇدان دا جىلدامداي ءتۇسۋى ىقتيمال»، - دەپ تولىقتىردى دميتري شۋمەكوۆ.

سونىمەن بىرگە، 1990 -جىلداردىڭ اياعى مەن 2000- جىلداردىڭ باسىنداعى بالا تۋۋ دەڭگەيىنىڭ تومەندەۋىنە بايلانىستى 20-29 جاس ارالىعىنداعى ايەلدەر سانى ايتارلىقتاي ازاياتىنىن ايتتى. ەگەر 2018 -جىلى ولاردىڭ سانى 1,4 ميلليون ادامدى قۇراسا، 2025 -جىلعا قاراي ءدال وسى كورسەتكىش 1,1 ميلليون ادامعا دەيىن ازايادى دەپ بولجانۋدا. ناتيجەسىندە بالا تۋۋ ەسەبىنەن حالىق سانىنىڭ ءوسۋى باياۋلايدى، ءبىراق بۇل ءۇردىس توقتامايدى.

ايتا كەتۋ كەرەك، بۇل بولجام رەتروسپەكتيۆاعا نەگىزدەلگەن جانە ءبىرقاتار فاكتورلارعا بايلانىستى ورىندالماۋى مۇمكىن.

ەستەرىڭىزگە سالا كەتەيىك، 1999 -جىلدىڭ ماۋسىم ايىندا ق ر ۇكىمەتىنىڭ قاۋلىسى نەگىزىندە «ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ جۇمىسپەن قامتۋ ماسەلەلەرى جونىندەگى اقپاراتتىق- تالداۋ ورتالىعى» ر م ق ك قۇرىلعان بولاتىن. 2011 -جىلدىڭ قازان ايىندا ر م ق ك «جۇمىسپەن قامتۋ ماسەلەلەرى جونىندەگى اقپاراتتىق- تالداۋ ورتالىعى» ا ق بولىپ قايتا قۇرىلدى. ق ر ۇكىمەتىنىڭ 2016 -جىلعى 1 - شىلدەدەگى قاۋلىسىمەن «جۇمىسپەن قامتۋ پروبلەمالارى جونىندەگى اقپاراتتىق- تالداۋ ورتالىعى» ا ق «ەڭبەك رەسۋرستارىن دامىتۋ ورتالىعى» ا ق بولىپ وزگەرتىلدى.

ورتالىق قىزمەتىنىڭ نەگىزگى سالاسى - ەڭبەك نارىعىن رەتتەۋ مەن جۇمىسپەن قامتۋعا جاردەمدەسۋدىڭ بەلسەندى شارالارىن ىسكە اسىرۋ جونىندەگى مەملەكەتتىك ساياساتتى اقپاراتتىق جانە تالدامالىق قولداۋ، حالىقتى جۇمىسپەن قامتۋ ماسەلەلەرى بويىنشا جەرگىلىكتى اتقارۋشى ورگانداردى جانە حالىقتى جۇمىسپەن قامتۋ ورتالىقتارىن ادىستەمەلىك قولداۋدى قامتاماسىز.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات