+7 (701) 759 90 19 Лента
19 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

تۇرعىن ءۇي قورى استانالىقتارعا قولجەتىمدى باسپانانىڭ 3 باعدارلاماسىن ۇسىنادى

23 شىلدە 17:48 87
:ءبولىسۋ
تۇرعىن ءۇي قورى استانالىقتارعا قولجەتىمدى باسپانانىڭ 3 باعدارلاماسىن ۇسىنادى

نۇر- سۇلتان. قازاقپارات- نۇر-سۇلتاننىڭ 1000 نان استام كوپ بالالى جانە از قامتىلعان وتباسى «باقىتتى وتباسى» قولجەتىمدى تۇرعىن ءۇي باعدارلاماسىنا قاتىسۋعا ءوتىنىش بەرگەن.

ەلوردالىق تۇرعىن- ءۇي قورى بارلىعى 3 باعىت بويىنشا «باقىتتى وتباسى»، «نۇرلى ەرتىس» جانە «ەڭبەك» قولجەتىمدى تۇرعىن ءۇي باعدارلاماسى جۇزەگە اسىرىلۋدا، دەپ حابارلايدى قالالىق اكىمدىكتىڭ سايتى.

استانانىڭ تۇرعىن ءۇي قورى «باقىتتى وتباسى» باعدارلاماسى بويىنشا تۇرعىن ءۇي الۋعا جولداما الۋ ءۇشىن وتىنىشتەر قابىلداۋدى جالعاستىرۋدا، ول 31 - شىلدەدە اياقتالادى (I كەزەڭ).

ەستەرىڭىزگە سالا كەتەيىك، باعدارلاماعا قاتىسۋشىلار تۇرعىن ءۇي قۇرىلىس جيناق بانكىنەن 20 جىلعا دەيىن جىلدىق % 2 مولشەر بويىنشا نۇر- سۇلتاننان تۇرعىن ءۇي ساتىپ الۋعا تۇرعىن ءۇي قارىزدارىن الۋعا مۇمكىندىكتەرى بار.

نەسيەنىڭ ەڭ جوعارى سوماسى 15 ميلليون ت گ «باقىتتى وتباسى» باعدارلاماسىنا مۇگەدەك بالالارىن تاربيەلەپ وتىرعان، كوپ بالالى نەمەسە تولىق ەمەس وتباسىلار قاتىسا الادى. جوعارىدا كورسەتىلگەن ساناتتاردىڭ ءبىرى بويىنشا ەلوردادا تۇرعىن ءۇي الۋعا كەزەككە ۇمىتكەرلەردى قويۋ دا مىندەتتى شارت بولىپ تابىلادى.

وتباسىنىڭ ءبىر مۇشەسىنىڭ تابىسى 42500 تەڭگەدەن اسپاۋى ءتيىس. تۇرعىن ءۇيدى باستاپقى جانە قايتالاما نارىقتا ساتىپ الۋعا بولادى. وسى باعدارلاما بويىنشا ءوتۋ ءۇشىن مىناداي كەزەڭدەردەن ءوتۋ كەرەك:

1) تۇرعىن ءۇي قورىنان جولداما الۋ (ر. قوشقاربايەۆ داڭعىلى، 39) 2) العان جولدامامەن تۇرعىن ءۇي قۇرىلىس جيناق بانكىنە بارىپ تولەم قابىلەتتىلىگىن راستاۋ باستاپقى نارىقتى تاڭداۋ كەزىندە قاتىسۋشىلار جۇمىسپەن قامتۋ جانە الەۋمەتتىك قورعاۋ باسقارماسىندا بەرىلەتىن باستاپقى جارنانىڭ ءبىر بولىگىن جابۋ ءۇشىن 1 ميلليون تەڭگە مولشەرىندە تۇرعىن ءۇي سەرتيفيكاتتارىن الا الادى.

قايتالاما نارىقتى تاڭداعان جاعدايدا تۇرعىن ءۇي قۇنىنىڭ % 10 باستاپقى جارناسىن ت ق ج ب- داعى شوتقا ەنگىزگەن ءجون.

سونىمەن قاتار «نۇرلى ەرتىس» باعدارلاماسىنا كوپ بالالى وتباسىلاردى قابىلداۋ جالعاسۋدا. ونىڭ اياسىندا نۇر- سۇلتاننان ەكىباستۇز قالاسىنا 105 تەن استام استانالىق وتباسى نەمەسە 500 دەن استام ادام كوشىرىلدى. وعان 3 جانە ودان دا كوپ بالا تاربيەلەپ وتىرعان وتباسىلار قاتىسا الادى. قاتىسۋشىلارعا ەكىباستۇز قالاسىندا ايلىق تولەمى شارشى مەترىنە 99 ت گ بولاتىن 2 جانە 3 بولمەلى پاتەرلەر بەرىلەدى.

باعدارلاما ورتاشا ەڭبەكاقىسى 120 مىڭ تەڭگەنى قۇرايتىن جۇمىسپەن قامتۋدى كوزدەپ وتىر. سونىمەن قاتار بالالار بالاباقشاعا تەگىن ورنالاستىرىلادى، سونداي- اق مەكتەپ فورماسى مەن كەرەك- جاراقتارى بەرىلەدى. باعدارلاما بالالاردى بالاباقشا مەن 11 - سىنىپقا دەيىنگى مەكتەپتە تەگىن تاماقپەن قامتاماسىز ەتۋدى كوزدەيدى.

بالالارعا جانە ءبىر اتا- انا ءۇشىن كولىكتىك جول ءجۇرۋ بيلەتتەرى دە بەرىلەدى. پاتەرلەر 5 جىل وتكەننەن كەيىن جەكەشەلەندىرۋ قۇقىعىمەن باستاپقى جارناسىز بەرىلەدى. سونداي- اق، كوممۋنالدىق تۇرعىن ءۇي قورىنان تۇرعىن ۇيگە مۇقتاجداردى ەسەپكە قويۋ، ەرلى- زايىپتىلاردىڭ بىرەۋىنىڭ جوعارى نەمەسە كاسىپتىك- تەحنيكالىق ءبىلىمىنىڭ بولۋى قاتىسۋ ءۇشىن مىندەتتى شارت بولىپ تابىلادى.

ودان بولەك «ەڭبەك» باعدارلاماسىنا ەكى جانە ودان دا كوپ بالالارى بار وتباسىلار قاتىسا الادى. سونىمەن قاتار قاتىسۋشىلاردىڭ تراكتورشى، باس بۋحگالتەر، مەحانيزاتور، كاماز جۇرگىزۋشىسى، كومباينەر، دانەكەرلەۋشى، اۋدارماشى، مالشى، ۆەتدارىگەر، پسيحولوگ، مالشى، ساۋىنشى، زووتەحنيك، نەفرولوگ- دارىگەر، كارديولوگ، وتولارينگولوگ، ونكولوگ، ماممولوگ، زەرتحاناشى، مەدبيكە، مۇعالىمدەر مەن تاربيەشىلەر ماماندىقتارى بويىنشا ديپلومى بولۋى ءتيىس.

مۇنداي بىلىمدەرى بولماعان جاعدايدا تەگىن وقۋ مۇمكىندىكتەرى قاراستىرىلعان. باعدارلاما سولتۇستىك قازاقستان وبلىسىنىڭ ءۇش اۋدانىندا:

عابيت مۇسىرەپوۆ اتىنداعى، ماعجان جۇمابايەۆ اتىنداعى، مامليۋت اۋداندارىندا تۇرعىن ۇيلەردى ۇسىنادى. 70-تەن 150 شارشى مەترگە دەيىنگى تۇرعىن ءۇيدىڭ الاڭىنا بايلانىستى جالداۋ اقىسى 7000 تەڭگەدەن 14850 تەڭگەگە دەيىن وزگەرەدى. سونىمەن قاتار قونىس اۋدارۋشىلارعا وتباسىنىڭ ءاربىر مۇشەسىنە 88374 تەنگەدەن ءبىر رەتتىك الەۋمەتتىك كومەك بەرىلەتىن بولادى.

www.24.kz


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات