11:04, 18 - ماۋسىم 2019 | GMT +6
شىمكەنتتە 3د فورماتىنداعى جاياۋ جۇرگىنشى جولى سالىندى
قازاقپارات - ەلىمىزدە العاشقى 3D فورماتىنداعى جاياۋ جۇرگىنشى جولى شىمكەنتتە پايدا بولدى. بۇل ەرەكشە جۇرگىنشىلەر جولاعى «Shymkent» الەۋمەتتىك- كاسىپكەرلىك كورپوراتسياسىنىڭ باستاماسىمەن سالىنعان، دەپ حابارلايدى قازاقپارات ءتىلشىسى.
جاياۋ جۇرگىنشى جولى قالانىڭ ورتالىعىنداعى ايبەرگەنوۆ كوشەسىندە پايدا بولدى. بۇعان دەيىن اتالعان كوشەدە جاي عانا بەلگى بار ەدى. كورپوراتسيانىڭ باسقارما ءتوراعاسى راشيد ايۋپوۆتىڭ ايتۋىنشا، ءۇش ولشەمدى تاڭبا يدەياسىن ول شەتەلدەن العان.
«شىمكەنت - جول قوزعالىسى وتە قارقىندى دامىعان قالا. بۇل ۋچاسكە جۇرگىزۋشىلەر نازارىن وزىنە اۋدارتاتىن ەرەكشە قوسىمشا بەلگى بولادى دەپ ۇمىتتەنەمىن. مۇنداي تاجىريبەلەر باتىستا قايعىلى وقيعالار سانىن بىرنەشە رەت قىسقارتۋعا مۇمكىندىك بەردى»، - دەيدى راشيد ايۋپوۆ.
اۆتور: اينۇر اقبايەۆا
