13:26, 17 - ءساۋىر 2019 | GMT +6
يزرايلدىك عالىمدار 3د جۇرەك باسىپ شىعاردى
نۇر-سۇلتان. قازاقپارات - يزرايلدىك عالىمدار الەمدە العاشقىلاردىڭ ءبىرى بولىپ 3D فورماتىندا جۇرەك باسىپ شىعاردى.
بۇل تۋرالى تەل- اۆيۆ ۋنيۆەرسيتەتىنىڭ باسپا ءسوز- قىزمەتى حابارلادى.
عالىمداردىڭ ايتۋىنشا، 3D فورماتىنداعى سوعىپ تۇرعان ءتىرى مۇشە ادامنىڭ جاسۋشاسىنان ارنايى پرينتەر ارقىلى باسىپ شىعارىلعان. وعان ءۇش جارىم ساعات ۋاقىت جۇمسالعان. جۇرەكتىڭ ءپىشىنى ەكى جارىم سانتيمەتردى قۇرايدى. ەكسپەريمەنت اياسىندا باسىپ شىعارىلعان بىرنەشە جۇرەكتى جانۋارلارعا ورنالاستىرۋ كوزدەلىپ وتىر. سىناق ءساتتى وتكەن جاعدايدا الداعى ون جىل اياسىندا ادامعا ارنالعان جۇرەكتى باسىپ شىعارۋ جوسپارلانعان.
www.24.kz