+7 (701) 759 90 19 Лента
2 °С : استانا
17 °С : الماتى
USD 378.17 EUR 429.11
RUB 5.88 CNY 56.48
جاڭالىقتار

الماتى وبلىسىندا 3 كوپبالالى وتباسىعا ءۇي بەرىلدى

15 ناۋرىز 20:47 302
:ءبولىسۋ
الماتى وبلىسىندا 3 كوپبالالى وتباسىعا ءۇي بەرىلدى

تالدىقورعان. قازاقپارات - الماتى وبلىسىنىڭ كەربۇلاق اۋدانىندا جالعىز باستى ءۇش كوپبالالى اناعا باسپانا بەرىلدى.

تۇرعىن ۇيلەردى اۋداننىڭ ىسكەر ازاماتتارى تارتۋ ەتتى، دەپ حابارلايدى قازاقپارات ءتىلشىسى.

العاشقى ءۇيدىڭ كىلتى قىزىلجار اۋىلىنىڭ تۇرعىنى جۇماعىز مەدەتوۆاعا بەرىلدى. ءتورت بولمەلى ءۇيدى اۋداندا ءالى سالىنىپ بىتپەگەن سەمەنت زاۋىتىنىڭ باسشىسى ۇسىندى. جۇماعىز مەدەتوۆا ءۇش قىزىمەن پاتەردەن پاتەرگە كوشىپ، تۋىستارىن جاعالاپ جۇرگەنىنە 5 جىلدان اسىپتى. بۇل ساتكە اسىرەسە قىزى جىبەك قاتتى قۋانعان. ارمانى ورىندالعانىن جاسىرمادى.

«ءوزىمىزدىڭ ۇلكەن ءۇي بولسا دەپ ارماندايتىنمىن. قازىر مىنە وزىمىزدە ۇلكەن ءۇي بار. قاتتى قۋانىپ تۇرمىن. جازدا ەسىك الدىنا گۇل وتىرعىزامىز. ءوزىمىزدىڭ بولمەلەرىمىز بولادى»، دەيدى 4-سىنىپ وقۋشىسى. ال قوعالى اۋىلىندا تۇراتىن ايگۇل ەشپايەۆانىڭ التى بالاسى بار. كەنجەسى ءالى ءبىر جاسقا دا تولماعان. كاسىپكەر اۋىلدان بىرنەشە ءۇيدى ۇسىنىپتى. ءبىراق ول وزىنە جايلىسىن تاڭداپ الدى. العىسى شەكسىز انا الەۋمەتتىك تولەمدەردىڭ دە وسكەنىنە قۋانىپ وتىر. تاعى ءبىر باسپانا تالدىبۇلاق اۋىلىنىڭ تۇرعىنى نادەجدا لەمەشكوعا تارتۋ ەتىلدى. 6 بالانىڭ اناسى دا وسى ۋاقىتقا دەيىن كوشىپ-قونىپ ءجۇرىپ، تۇراقتى مەكەنى بولماعان.

جالپى كەربۇلاق اۋدانىندا 2100-دەن استام كوپ بالالى وتباسى تىركەلگەن. ءۇي كەزەگىندە تۇرعان انالار سانى 100-گە جۋىق. ۇلىستىڭ ۇلى كۇنى - ناۋرىز مەرەكەسىنە دەيىن تاعى ءۇش اناعا باسپانا بەرىلمەك. ودان بولەك 20 كوپبالالى وتباسىعا ازىق-تۇلىك، كيىم-كەشەك جانە وتىنمەن كومەك كورسەتىلدى.


الماتى وبلىسىندا 3 كوپبالالى وتباسىعا ءۇي بەرىلدى


الماتى وبلىسىندا 3 كوپبالالى وتباسىعا ءۇي بەرىلدى


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات