14:59, 20 - اقپان 2019 | GMT +6
بايبەك الماتىلىقتاردىڭ سانى 3 ميلليونعا قاشان جەتەتىنىن ايتتى
الماتى. قازاقپارات - الماتى حالقى جىلىنا 50 مىڭ ادامعا ارتىپ كەلەدى. بۇل تۋرالى بۇگىن تۇرعىندارمەن ەسەپتىك كەزدەسۋىندە قالا اكىمى باۋىرجان بايبەك ايتتى، دەپ حابارلايدى قازاقپارات ءتىلشىسى.
«الماتىداعى ءومىر ءسۇرۋ ساپاسىنىڭ جوعارىلىعى ادامداردى وسىندا كوشىپ كەلۋگە ىنتالاندىرادى. جىل سايىن قالا حالقى 50 مىڭ ادامعا ارتىپ كەلەدى. 15 جىلدا الماتى حالقى 3 ميلليونعا جەتىپ قالادى»، - دەدى اكىم.
شاھار باسشىسى ولاردىڭ الەۋمەتتىك جاعدايىن جاساۋدى، جۇمىسپەن قامتۋ ماسەلەسىن شەشۋدى باستى نازارعا الىپ وتىر.
«بىزگە ەكونوميكانى قايتا قۇرىلىمداۋ كەرەك. 700 مىڭ جاڭا جۇمىس ورنى كەرەك. كوپتەگەن ساۋدا جەلىلەرى فۋنكتسيالارىن اۆتوماتتاندىرىپ جاتىر. ادامداردىڭ كوپشىلىگىندە جۇمىس تاپشىلىعى بولادى. ادامدار سوندا قايدا بارادى؟ ولاردى وقىتۋ جولدارىن ويلانۋ كەرەك»، - دەدى اكىم.