ۇشقىش اپات الدىندا 3 مينۋت بۇرىن بايلانىسقا شىققان

 الماتى. قازاقپارات - بۇگىن تىكۇشاق اپاتىنا بايلانىستى ق ر يندۋستريا جانە ينفراقۇرىلىمدىق دامۋ مينيسترلىگىنىڭ اۋە وقيعالارىن تەكسەرۋ باسقارماسىنىڭ باسشىسى نۇرلان جۇماسۇلتانوۆ بريفينگ وتكىزدى، دەپ حابارلايدى قازاقپارات ءتىلشىسى.

ونىڭ ايتۋىنشا، ۇشقىش ۆالەنتين شيتوۆتىڭ 25-30 جىلدىق تاجىريبەسى بولعان.

«ونىڭ 4 مىڭ ساعات ۇشۋ تاجىريبەسى بار. ءدال وسى تيپتەگى تىكۇشاقپەن 2 مىڭ ساعات ۇشقان. 51 جاستاعى ۆالەنتين شيتوۆ ءوزىنىڭ 51 جاسىنىڭ 25-30  جىلىن اسپانعا ارناعان. وقيعا بولاردان بۇرىن 16:05 تە بايلانىسقا شىققان. ءبىراق، ول نە دەگەنىن ازىرگە ايتا المايمىن. 16:08-16:09-دا ونىڭ ۇشاعى جەرگە قۇلادى» ، - دەدى ن. جۇماسۇلتانوۆ.

ونىڭ ايتۋىنشا، ۇشاق بورالداي اۋەجايىنان ۇلكەن الماتى الاڭىنا باعىت العان. دىتتەگەن جەرگە 10 شاقىرىم جەتپەي الاتاۋ شيپاجايىنىڭ ماڭىندا قۇلاعان. تىكۇشاق جولاۋشىلاردى الىپ كەتۋگە بارا جاتقان بولۋى ىقتيمال.

«جولاۋشىلارعا بارعان بولۋى مۇمكىن. ويتكەنى، ءبىر عانا ۇشقىش بولعان» ، - دەدى ول.

 سپيكەردىڭ ايتۋىنشا، اۋە كومپانياسىنىڭ تىكۇشاقتاردى ۇشىرۋعا كەرەكتى بارلىق رۇقساتى بولعان.

قۇزىرلى ورگاندار تەكسەرۋگە بۇگىننەن باستاپ كىرىستى. سەبەبى، كەشە قاراڭعى بولىپ كەتكەندىكتەن، زەرتتەۋ جۇمىستارى توقتاتىلعان.

ايتا كەتۋ كەرەك، قايعىلى وقيعا كەشە الماتىدا ناۋرىزباي اۋدانىنا قاراستى تاۋ سامالى شاعىن اۋدانىندا بولدى.

«الاتاۋ» شيپاجايىنىڭ اشىق اۋماعىنا «Sky Servicە» اۋە كومپانياسىنىڭ جەكە مەنشىگىندەگى ەۆروكوپتەر-130 تىكۇشاعى قۇلادى.

51 جاستاعى ۇشقىش ۆالەنتين شيتوۆ جەدەل جاردەم كولىگىندە كوز جۇمدى. تىكۇشاق بورالداي- ۇلكەن الماتى كولى باعىتىندا ۇشىپ بارا جاتقان.

 ال كولىكتەگى پ د قىزمەتكەرلەرى اتالعان دەرەككە بايلانىستى ق ر ق ك 344-بابىنا سايكەس سوتقا دەيىنگى تەرگەۋ ءىسى رەەسترىنە تىركەدى (اۋە كولىگىن پايدالانۋ كەزىندە جول قوزعالىسى ەرەجەلەرىن بۇزۋ) .

تەرگەۋ جۇمىستارى باستالدى.

مۇنىڭ الدىندا ق ر ي ي د م اۋە وقيعالارىن تەكسەرۋ باسقارماسىنىڭ باسشىسى نۇرلان جۇماسۇلتانوۆ تىكۇشاق اپاتىنىڭ ىقتيمال 3 سەبەبىن اتاعان بولاتىن.