مەملەكەتتىك «دارىن» سىيلىعىنىڭ مولشەرى 3 ەسەگە ارتتى
كوميسسيا جۇمىسىنا ق ر پارلامەنتى ءماجىلىسىنىڭ دەپۋتاتتارى، مادەنيەت جانە ونەر قايراتكەرلەرى، مەملەكەتتىك ورگاندار، بۇقارالىق اقپارات قۇرالدارى، ازاماتتىق سەكتور وكىلدەرى قاتىستى.
وتىرىستى اشقان ق ر قوعامدىق دامۋ ءمينيسترى دارحان كالەتايەۆ 2018 -جىلى «دارىن» مەملەكەتتىك جاستار سىيلىعىنىڭ مولشەرى 3 ەسەگە ارتىپ، ءار نوميناتسيا بويىنشا 600 مىڭ تەڭگە ۇلەستىرىلەتىن جەتكىزدى.
ۇسىنىلعان ۇمىتكەرلەردى قاراستىرعان كوميسسيا مۇشەلەرى 2018 -جىلعى «دارىن» مەملەكەتتىك جاستار سىيلىعىنىڭ لاۋرەاتتارىن انىقتادى. سىيلىق اقىنى بەرۋ تۋرالى شەشىم ونى قازاقستان رەسپۋبليكاسىنىڭ ۇكىمەتى قابىلداعان ساتتەن باستاپ كۇشىنە ەنەدى جانە جەڭىمپازدار اعىمداعى جىلدىڭ جەلتوقسان ايىندا وتەتىن سالتاناتتى ءراسىم بارىسىندا ماراپاتتالاتىن بولادى.
بيىلعى جىلى ايتۋلى ماراپاتقا ءوتىنىم بىلدىرگەندەردىڭ سانى رەكوردتىق مەجەگە جەتتى، ناقتىراق ايتقاندا 301 ءوتىنىش كەلىپ تۇسكەن. ونىڭ ىشىندە 271 ءوتىنىم قابىلدانىپ، قارالدى.
نوميناتسيالار بويىنشا كەلىپ تۇسكەن وتىنىشتەر سانى كەلەسىدەي: «تەاتر جانە كينو» - 41, «جۋرناليستيكا» - 15, «ادەبيەت» - 18, «سپورت» - 37, «ەسترادا» - 21, «كلاسسيكالىق مۋزىكا» - 17, «حالىق شىعارماشىلىعى» - 20, «ديزاين جانە بەينەلەۋ ونەرى» - 17, «عىلىم» - 48, «قوعامدىق قىزمەت» - 37 ءوتىنىش. 2016 -جىلى-126, 2017 -جىلى- 213 ءوتىنىم كەلىپ تۇسكەن.
قازاقستان رەسپۋبليكاسى پارلامەنتىنىڭ دەپۋتاتى، وليمپيادا چەمپيونى، دارىن سىيلىعى بويىنشا كوميسسيانىڭ «سپورت» سەكتسياسىنىڭ جەتەكشىسى سەرىك ساپيەۆتىڭ پايىمداۋىنشا، اتالعان سىيلىق قازاقستان جاستارىن قوعام مەن مەملەكەتتىڭ يگىلىگى جولىندا جاڭا جەڭىستەر مەن جەتىستىكتەرگە جىگەرلەندىرەدى.
«مەن ءوزىم «دارىن» سىيلىعىنىڭ لاۋرەاتى بولدىم. اتالعان سىيلىقتى العاندار ءۇشىن عانا ەمەس، سونىمەن قاتار سىيلىققا ۇسىنىلعاندارعا دا ۇلكەن شابىت بەرەدى. جاستار وزدەرىنىڭ قاتارلاستارىنىڭ جەتىستىكتەرگە جەتىپ، سىيلىققا يە بولىپ جاتقاندارىن كورىپ، ولاردا بەلگىلى ءبىر ناتيجەگە جەتۋ جولىندا كۇش- جىگەرلەرىن سالاتىن بولادى» ، - دەدى سەرىك ساپيەۆ.
ب ۇ ۇ جاس كوشباسشىلار قاۋىمداستىعىنىڭ مۇشەسى، «CentrAsia Group» حولدينگىنىڭ باس ديرەكتورى، كوميسسيا مۇشەسى ولجاس سۇلەيمەنوۆتىڭ ايتۋىنشا، «دارىن» سىيلىعىنىڭ دەڭگەيى جىل سايىن ارتىپ كەلەدى.
«بۇگىنگى كوميسسيا جۇمىسىن وتە قارقىندى، اشىق پىكىرتالاس تۇرىندە ءوتتى دەپ ايتۋعا بولادى. بارلىق ۇمىتكەرلەر لايىقتى. ءبىزدىڭ ەلىمىزدە ءارتۇرلى سالالاردا جانە ءارقايسىسى ءوز سالالارى بويىنشا تابىستى بولعان كوپتەگەن جاستار بار ەكەندىگىن ماقتان تۇتامىن. كوميسسيانىڭ مۇشەسى بولۋ ۇلكەن قۇرمەت. مەنىڭ ويىمشا، «دارىن» مەملەكەتتىك سىيلىعىنىڭ دەڭگەيى جىل سايىن ارتىپ كەلەدى» ، - دەدى و. سۇلەيمەنوۆ.
ەستەرىڭىزگە سالا كەتەيىك، «دارىن» مەملەكەتتىك جاستار سىيلىعى جىل سايىن جاستاردىڭ عىلىم، شىعارماشىلىق، قوعامدىق قىزمەت، سونداي- اق جوعارى سپورتتىق جەتىستىكتەرىنە قولداۋ كورسەتۋ ماقساتىندا تابىستالادى. «دارىن» سىيلىعىنىڭ جەڭىمپازدارىنا قازاقستان رەسپۋبليكاسى ۇكىمەتىنىڭ قاۋلىسىمەن دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە ولار ديپلوممەن، توسبەلگىلەرمەن جانە اقشالاي سىيلىقتارمەن ماراپاتتالادى.
