ۇلى بريتانيا قازاقستانعا 3 ميلليارد دوللار نەسيە بەرمەك
ونىڭ ايتۋىنشا، 17-18 - قىركۇيەك ارالىعىندا ۇلى بريتانيانىڭ ەكسپورتتىق قارجىلاندىرۋ اگەنتتىگىنىڭ ءتوراعاسى لۋي تەيلوردىڭ استاناعا جۇمىس ساپارى بولادى. ونىڭ بارىسىندا ءبىرقاتار قازاقستاندىق مينيسترلىكتەر مەن ۇلتتىق كومپانيالاردىڭ باسشىلارىمەن كەزدەسۋلەر جوسپارلانعان. ۇلى بريتانيانىڭ ەكسپورتتىق قارجىلاندىرۋ اگەنتتىگى ەكسپورت، مەردىگەرلىك جانە قىزمەت كورسەتۋ بويىنشا وپەراتسيالاردى قارجىلاندىرۋ مەن نەسيەلەۋدىڭ ءبىرىڭعاي وپەراتورى بولىپ تابىلادى جانە ۇلىبريتانيانىڭ قازىناشىلىعىنا ەسەپ بەرەدى.
«قازاقستاننىڭ ۇلىبريتانياداعى ەلشىلىگىنىڭ دەرەكتەرى بويىنشا، قازىرگى تاڭدا، UKEF تاراپىنان ەلىمىزدىڭ اۋىل شارۋاشىلىعى مينيسترلىگى كەلىسىمشارتىنىڭ پايداسىنا قارجىلىق قولداۋ كورسەتۋ جونىندە كەلىسسوزدەر جۇرگىزىلۋدە» ، - دەدى س ءى م وكىلى.
ايبەك سمادياروۆتىڭ ايتۋىنشا، بريتاندىق ينجينيرينگتىك كومپانيا Worley Parsons قازاقستاننىڭ اۋىلدىق ايماقتارىن سۋمەن جابدىقتاۋ جوباسىنىڭ تەحنيكالىق- ەكونوميكالىق نەگىزدەمەسىن ازىرلەپ جاتىر.
«جالپى، بريتاندىق تاراپتىڭ دەرەكتەرى بويىنشا، UKEF قازاقستاندىق ينفراقۇرىلىمدىق جوبالارعا 2 ميللياردتان 3 ميلليارد ا ق ش دوللارىنا دەيىن جەڭىلدىك نەگىزدە نەسيەلىك قارجىلاندىرۋدى قامتاماسىز ەتۋگە دايىن»، - دەدى ول.