قازاقستاننان قاجىلىققا 3 مىڭ ادام اتتاندى

None
None
استانا. قازاقپارات - قازاقستان مۇسىلماندارى ءدىني باسقارماسىنىڭ ءتوراعاسى، باس مۇفتي سەرىكباي قاجى وراز استانا قالاسىنىڭ حالىقارالىق اۋەجايىنان قاجىلىققا اتتانعانداردىڭ سوڭعى لەگىن شىعارىپ سالدى، دەپ حابارلايدى استانا قالاسى اكىمدىگىنىڭ رەسمي سايتى.

ق م د ب باسپا ءسوز قىزمەتىنىڭ اقپاراتىنشا، وتانداستارىمىز استانادان بولەك، الماتى، اقتاۋ، شىمكەنت قالالارىنان تىكەلەي رەيسپەن جيددا، ءمادينا شاھارىنا ۇشۋدا. اۋە رەيستەرىن قازاقستان تاراپىنان وتاندىق «Scat»، ساۋد ارابيا كورولدىگىنەن «Flynas» اۋەكومپانيالارى ۇيىمداستىرادى. ۇشۋ ۋاقىتى 5-6 ساعات. ساۋد ارابيا كورولدىگىنىڭ قاجىلىق مينيسترلىگى بولگەن 3000 كۆوتاعا ۆيزالار تولىق شىقتى.

ق م د ب جانىنان قۇرىلعان قاجىلىق ميسسياسى قاجىلىق ساپارىن ۇيىمداستىرۋ-ۇيلەستىرۋ جۇمىستارىن جان-جاقتى پىسىقتاپ، ميسسيا جانىنان دارىگەرلەر، ۋاعىزشىلار، اقپارات توبى قۇرىلىپ، اربىرىنە ءتيىستى مىندەتتەر جۇكتەلگەن جانە قاتارلارىندا ءتيىستى مينيسترلىكتەردىڭ وكىلدەرى دە بار. ولار قاجىلاردى جان-جاقتى اقپاراتپەن، قاجىلىق بارىسىندا تۋىنداعان ماسەلەلەر بولسا سونىن شەشىمىن تابۋعا كومەك بەرەدى.

«قازاقستان قاجىلارى ۇلى ساپارعا اتتانباس بۇرىن، مەنينگيتكە قارسى ەكپە سالدىردى. قاجىلىق ساپارعا نيەت بىلدىرگەن ازاماتتاردىڭ دەنساۋلىعى تولىق تەكسەرىلدى. ساۋد ارابيادا ق ر دەنساۋلىق ساقتاۋ مينيسترلىگى تاراپىنان ۇسىنىلعان دارىگەرلەر وتانداستارىمىزدىڭ دەنساۋلىعىن ءجىتى قاداعالايدى. دارىگەرلەر ق م د ب قاجىلىق ميسسياسىنىڭ مەديتسينالىق كومەك كورسەتۋ ورتالىعىندا قاجىلارعا تاۋلىك بويى قىزمەت كورسەتەدى. ورتالىقتا جەدەل جاردەم كولىگى دە بولادى. بارلىق قاجى وتاندىق ءدارى-دارمەكپەن قامتاماسىز ەتىلگەن. بيىل العاش رەت قازاقستان قاجىلارى قاجىلىققا ءبىرىڭعاي كيىم ۇلگىسىن كيىپ بارادى»، دەدى باس ءمۇفتي سەرىكباي قاجى وراز.

ايتا كەتەتىن تاعى ءبىر جايت، ۇلى ساپار كەزىندە قاجىلارعا گيدتەر جول كورسەتىپ، كومەكشى بولادى جانە ۋاعىز-ناسيحات جۇمىستارىنا بىلىكتى دە ءبىلىمدى يمامدار بەكىتىلگەن.

قاجىلىق ساپارعا اتتانعان قازاقستاندىقتاردى شىعارىپ سالىپ، ءسات-ساپار تىلەگىن جەتكىزۋگە اۋەجايعا ساۋد ارابياسى كورولدىگىنىڭ توتەنشە جانە وكىلەتتى ەلشىسى زاحير بەن مۋتيش ءال-انەزي ارنايى كەلىپ، قاجىلىق ساپارعا نيەت بىلدىرگەن جاندارعا وڭ ساپار تىلەپ، ولاردىڭ امان-ەسەن جەتىپ، قاجىلىقتارى جەڭىل جانە قابىل بولىپ، ەلگە امان ورالۋىنا اللا ءناسىپ ەتسىن دەگەن تىلەگىن ءبىلدىردى.

ەلشى ق ر پرەزيدەنتىنە، ق ر ۇكىمەتىنە، قازاقستان مۇسىلماندارى ءدىني باسقارماسىنىڭ ءتوراعاسىنا جانە قىزمەتكەرلەرىنە زور العىسىن ءبىلدىردى.

سوڭعى جاڭالىقتار