باس پروكۋرور پرەزيدەنتكە: 3 ميلليوننان استام ازاماتتىڭ قۇقىعىن قورعادىق
اقوردانىڭ فەيسبۋكتەگى پاراقشاسىندا تاراتىلعان مالىمەتكە سايكەس، كەزدەسۋ بارىسىندا نۇرسۇلتان نازاربايەۆقا ەلىمىزدەگى قۇقىق قورعاۋ ورگاندارىنىڭ قىزمەتى جانە بۇعان دەيىن جۇكتەلگەن تاپسىرمالاردىڭ ورىندالۋى جونىندە ەسەپ بەرىلدى.
«باس پروكۋراتۋراعا ەڭ جوعارى دارەجەدە باقىلاۋ شارۋاسى بەرىلگەن، بارلىق جاعىنان. زاڭنىڭ ادىلەتتى بولۋى ءۇشىن بىرنەشە شارانى قولدادىق، زاڭداردى قابىلدادىق، سوت جۇيەسىن تۇزەدىك. پوليتسيا تۋرالى زاڭ قابىلدادىق. ەندى سولاردىڭ بارلىعىنىڭ ناقتى ورىندالۋى باس پروكۋروردىڭ قۇزىرىندا»، - دەپ اتاپ ءوتتى نۇرسۇلتان نازاربايەۆ.
ءوز كەزەگىندە قايرات قوجامجاروۆ اعىمداعى جىلدىڭ 7 ايىندا ەلىمىزدىڭ قۇقىق قورعاۋ سالاسىندا ءبىراز جۇمىس اتقارىلعانىن ايتتى.
«سونى وزىڭىزگە بايانداۋعا كەلىپ وتىرمىن. ەلىمىزدى ساياسي- قوعامدىق احۋال تۇراقتى. پروكۋراتۋرا ورگاندارى زڭدىلىقتى جانە قۇقىقتىق ءتارتىپتى ساقتاۋدا جۇيەلى شارالار قولدانىپ جاتىر. ازاماتتاردىڭ قۇقىعىن قورعاۋ سالاسىنا جارتى جىلدىقتىڭ ىشىندە 5-6 تەكسەرۋ جۇرگىزدىك. ونىڭ ىشىندە ەڭبەك، جەر قاتىناستارى، تاريفتەر، جۇمىسپەن قامتاماسىز ەتۋ ماسەلەلەرى بار. ناتيجەسىندە وسى ۋاقىتتا دەيىن پروكۋراتۋرا ورگاندارى ءۇش ميلليوننان استام ازاماتىمىزدىڭ قۇقىعىن قورعادى. ماسەلەن، تاريفتەرگە كەلەر بولساق، جەتى وڭىردە تاريفتەردىڭ دەڭگەيىن ءتۇسىرىپ، 1,5 ميلليون ادامعا ارتىق تولەگەن اقشالاردى قايتارۋ بويىنشا شارالار قولدانىپ جاتىرمىز»، - دەدى باس پروكۋرور.
وسى ورايدا مەملەكەت باسشىسى باس پروكۋروردان ونىڭ قانداي تاريفتەر ەكەنىن سۇرادى.
«ءبىرىنشى - ەلەكتر تاريفتەرى. سەبەبى ارالارىندا فيرمالار وتە كوپ، قوسىپ قويعان. ولاردىڭ اراسىندا لاۋازىمدى ادامداردىڭ دا، مونوپوليستەردىڭ دە فيرمالارى بار. سولاردىڭ بارلىعىن انىقتاپ، سىرتقا شىعارىپ جاتىرمىز. قۇقىقتىق باعا بەرۋدەمىز»، - دەدى قايرات قوجامجاروۆ.
«ەگەر دە ءوزىن مونوپوليست دەپ سانايتىن بولسا، وندا ول ىستەيتىن جۇمىسىنا ينۆەستيتسيا سالۋى كەرەك. تاريفتەر ارقىلى قاراجات تاۋىپ، اقشاسىن سالىپ، تۇرعىن ۇيلەردىڭ، تۇرعىن ءۇي- كوممۋنالدىق شارۋاشىلىعىنىڭ جۇمىستارىن جوندەۋى كەرەك»، - دەپ ەسكەرتتى نۇرسۇلتان نازاربايەۆ.
سونىمەن قاتار، باس پروكۋرور ق ر پرەزيدەنتىنىڭ تاپسىرماسىمەن قىلمىستىق پروتسەستى جاڭعىرتۋ جۇمىستارى جالعاسىپ جاتقانىن، قىلمىس دەڭگەيى جالپى ەلىمىزدە 10 پايىزعا تومەندەگەنىن ايتتى.
«قازىرگى ۋاقىتتا ادامدار بۇرىنعىعا قاراعاندا 30 پايىز از قامالادى. مىسالى، بيىل سوت 12 مىڭ ادامعا ۇكىم شىعارىپ، سونىڭ 4 مىڭى عانا باس بوستاندىعىنان ايرىلدى»، - دەدى ول.