الەم كىتاپحانالارىنداعى ەڭ كونە 3 ءماتىن

None
None
نۇر-سۇلتان. قازاقپارات - Atlas Obsura باسىلىمىنىڭ جۋرناليستەرى جازبالار تاريحىن زەرتتەۋ ماقساتىندا الەمدەگى كولەمدى 12 كىتاپحانادان ەڭ كونە كىتاپتاردى ىزدەگەن.

ولار ىزدەگەن زاتتاي دەرەكتەر تۇپتەپ كەلگەندە كىتاپ ەمەس، ەجەلگى مانۋسكريپتىلەر مەن پاپيرۋستار، ءتىپتى ساز تاقتالار بولىپ شىقتى.

ەندەشە نازارلارىڭىزعا ەڭ كونە 3 ءماتىندى ۇسىنامىز.

1. نيۋ-يورك مەديتسينا اكادەمياسىنداعى رەتسەپتىلەر كىتابى

گەرمانيا، 830 -جىل

باتىستا ساقتالعان بۇل كىتاپتان ەڭ كونە تاماق رەتسەپتىلەرىن تابۋعا بولادى. ونى ءبىزدىڭ زامانىمىزعا دەيىنگى ІV عاسىردىڭ وزىندە كونە ريمدىكتەر پايدالانعان ەكەن. ءماتىن نەمىس موناستىرىندا جازىلىپ، ۇزاق جىلدار سوندا ساقتالعان. كەيىن ونى بەلگىلى كوللەكسيونەر توماس فيلليپس ساتىپ الادى دا، مارگارەت باركلاي ۋيلسون اتتى كىتاپحاناشىعا تابىستايدى. ال ول 1929 -جىلى ءوزى جيعان بۇكىل رەتسەپتىلەر كىتابىن نيۋ- يورك مەديتسينا اكادەمياسىنا وتكىزەدى.
2. ا ق ش كىتاپحانا كونگرەسىندەگى سىنا جازۋلى ءماتىن

شۋمەر، ب. ز. د. 2050 -جىل

1929 -جىلى ا ق ش كىتاپحانا كونگرەسىنە بارعان كيركور ميناسيان جان-جاقتان جينالعان كونە كوللەكتسيالاردان اسەر الىپ، ءوزى دە سوعان ۇلەس قوسادى. ونىڭ وتكىزگەن جادىگەرلەرى ىشىندە كونە شۋمەرلىكتەر سىنا جازۋىمەن جازىپ قالدىرعان ەسەپ جازبالارى دا بار. ودان ەجەلگى ساۋداگەرلەردىڭ ەسەپ- قيساپتارىن كورۋگە بولادى.

3. بوستون اتەنەۋمىندەگى مىسىرلىق ارتەفاكتىلەردىڭ البومى

فيۆى، مىسىر، ب. ز. د. 1500 -جىل

ارتەفاكتىلەردى 1905 -جىلى ارحەولوگ روبەرت دە رۋستافياەل تاۋىپ الىپ، 1916 -جىلى بارلىعىن ءبىر البومعا جيناقتاعان. كەيىن ول جيناق بوستون اتەنەۋمىنىڭ قورىنا تاپسىرىلدى. ماتىندە حاتحور قۇدايى ۇرپاعىنىڭ ءۇش قاسيەتتى جازبالارى بار.


سوڭعى جاڭالىقتار