تۇسكى اس ساتىپ الۋ ءۇشىن جۇمىس ورنىنان 3 مينۋتقا شىعىپ كەتكەن جۇمىسشىنىڭ جالاقىسىن قىسقارتىپ تاستادى
بۇل تۋرالى Daily Mail باسىلىمى حابارلايدى.
64 جاستاعى ەر ادام كوبە قالاسىنداعى سۋ تارتاتىن كومپانيادا جۇمىس ىستەيدى. ول 7 اي بويى تاياۋ ماڭداعى دۇكەننەن تۇسكى اس ساتىپ الۋ ءۇشىن، 26 رەت 3 مينۋتقا جۇمىس ورنىن تاستاپ كەتكەن. وسىلايشا ول 2017-جىلدىڭ قىركۇيەك ايى مەن 2018-جىلدىڭ ناۋرىزىنىڭ اراسىنداعى 78 مينۋت جۇمىس ورنىندا بولماپتى. كومپانيا وكىلدەرى بۇل جاعداي ءۇشىن كليەنتتەرىنەن كەشىرىم سۇرادى.
باسىلىم مالىمەتىنشە، ەر ادامنىڭ ارىپتەستەرىنىڭ ءبىرى ونىڭ تاماق الۋ ءۇشىن جولدان ءوتىپ بارا جاتقانىن تەرەزەدەن كورىپ قويىپ، باسشىلارعا ايتىپ قويعان. ناتيجەسىندە كومپانيا باسشىلىعى جۇمىسشىنىڭ 26 رەت 3 مينۋتتان جۇمىس ورنىندا بولماعانىن ءبىلىپ، ونىڭ جالاقىسىن قىسقارتىپ تاستاعان.
«مۇنداي داۋدىڭ ورىن العانى وتە وكىنىشتى. ءبىز كليەنتتەرىمىزدەن كەشىرىم سۇرايمىز»، - دەدى كومپانيا تەلەرنالاردىڭ ءبىرى ارقىلى.
ءوز كەزەگىندە جەلى قولدانۋشىلارى جۇمىسشىنى جاقتاپ شىعىپ، بۇل جاعدايدى «اقىلعا سىيىمسىز» دەپ اتادى.
«ەندىگى ادامدارعا دارەتحاناعا دا بارۋعا بولماي ما؟ بۇل قۇلدىق ءتارىزدى»، - دەپ جازدى جەلى قولدانۋشىلارىنىڭ ءبىرى.