مەكتەپتەگى ءبىلىم جايلى 3 ءاپسانا

استانا. قازاقپارات - بالا - ادامنىڭ باۋىر ەتى. سوندىقتان ءاربىر اتا-انا ءوز بالاسىنىڭ باقىتتى، ءارى ءومىرى ساتتىلىككە تولى بولۋى ءۇشىن بارىن سالادى.

ءبىراق كۇندەلىكتى قاربالاس تىرلىكپەن ءجۇرىپ، اقشا تولەپ، ءبىراق ەشقاشان ۋاقىتپەن قايتارا الا المايتىن قاتەلىك جىبەرەمىز. مەكتەپكە قاتىستى ءاپسانالاردىڭ بالالارىمىزدى تاربيەلەۋگە قانداي كەدەرگى جاسايتىنىن قاراستىرىپ كورەلىك.

1. مۇعالىمدەر تەك قانا ساباق بەرۋمەن اينالىسادى

 ءبىلىم بەرۋ سالاسىنا ەش قاتىسى جوق كوپتەگەن ادامدار مۇعالىمدەردىڭ جۇمىس ەرەكشەلىگى تۋرالى ەشنارسە بىلمەيدى. سىرت كوزگە مۇعالىمدەر ساباقتان باسقا تەك جۋرنال تولتىرىپ، داپتەر تەكسەرەتىن سياقتى كورىنۋى مۇمكىن. ءبىراق شىن مانىندە ساباق جۇكتەمەنىڭ تەك %30 عانا. مۇعالىمدەر ۇنەمى كونفەرەنسيالارعا قاتىسادى، كۋرستار وقيدى، ۆەبينارلاردى تىڭدايدى، عىلىمي جۇمىستارمەن اينالىسادى، اشىق ساباق وتەدى، ت. ب.

ياعني ۋاقىت پەن كۇشىن كوپ الاتىن جۇمىستارمەن اينالىسادى. ال كۇنىنە 6 ساباق بوس ۋاقىتى بار دەگەن ءسوز ەمەس. ويتكەنى ساباقتان كەيىن مۇعالىم مۇعالىمدەر كەڭەسىنە جۇگىرىپ بارا جاتۋى مۇمكىن. ال ەرتەڭگە اشىق ساباق وتكىزۋى كەرەك. سوندىقتان سىزگە جانە بالاڭىزعا بولىنگەن تىعىز جۇمىس كەستەسىندەگى ۋاقىتتى باعالاڭىز. ءمۇعالىم ءار بالاعا كوپ ۋاقىتىن ءبولىپ، تولىق قورعانىس پەن قولداۋدى قامتاماسىز ەتەدى دەپ سەنىم ارتقان كەزىڭىزدە وسىنى ۇمىتپاڭىز.

2. مەكتەپ بالانى تاربيەلەۋگە مىندەتتى

ارينە، تاربيە - بالالارمەن جۇمىستىڭ ماڭىزدى ءبىر تارماعى. ءبىراق بۇل ماسەلەگە اقىلمەن قاراساق، ەگەر بالانى ۇيدە تاربيەلەمەسە، قوعامدا ءوزىن قالاي دۇرىس ۇستاۋدى ۇيرەتپەسە، وندا ءمۇعالىم 45 مينۋتتا كوپ نارسەنى وزگەرتە المايدى دەگەن وي كەلۋ كەرەك. ونىڭ ۇستىنە ءسىز ۇيدە ۇنەمى مۇعالىمدەردى سىناپ وتىراسىز. ال مۇنى بالاڭىز ەستيدى (بالا ءارقاشان ءبارىن ەستىپ جۇرەدى) . وسىدان كەيىن مۇعالىمنىڭ سىنىپتاستارىڭمەن توبەلەسۋگە بولمايدى، ولاردىڭ سومكەلەرىنە تۇكىرۋ دۇرىس ەمەس دەگەن ەسكەرتۋىنەن قانداي دا ءبىر ناتيجە كۇتۋدىڭ كەرەگى جوق. بالاڭىزعا مەكتەپتە قالاي دۇرىس ءجۇرۋ كەرەك ەكەنىن تۇسىندىرگەن كەزدە، باسى سالبىراپ تۇرماسىن دەسەڭىز، ونىڭ الدىن الىپ، بالاڭىزعا ءبارىن اقىلمەن ءتۇسىندىرىڭىز. بۇل بالاڭىزدىڭ قاجەتسىز جانجالداردان جول بەرمەي، دۇرىس باعىتتا دامۋىنا كومەكتەسەدى.

3. مەكتەپتەگى ءبىلىم بەرۋ ناقتى ءارى جان-جاقتى ءبىلىم الۋعا كەپىلدىك بەرەدى

مەكتەبىڭىز قالاداعى ەڭ ۇزدىك مەكتەپ بولسا دا، ال ۇستازدارى وتە تاجىريبەلى ءارى دارىندى بولسا دا مەكتەپ باعدارلاماسى سياقتى ءبىلىم بەرۋدىڭ ۇجىمدىق ءتۇرى %100 ءتيىمدى بولمايدى جانە ءسىزدىڭ ەڭ قاجەتتى سۇرانىمدارىڭىزدى قاناعاتتاندىرا المايدى.

ءبىلىم بەرۋ - تاربيەلەۋ سياقتى اتا- انانىڭ جاۋاپكەرشىلىگىندەگى ءىس. بالاڭىزدىڭ بولاشاقتا بەدەلدى وقۋ ورنىندا وقىپ، تابىسى جوعارى جۇمىسقا تۇرىپ، تاسىنىڭ ورگە دومالاۋى سىزگە بايلانىستى. سوندىقتان ۋاقىتىڭىزدى تەككە كەتىرمەي، ءدال قازىردەن باستاپ بالاڭىزدىڭ دامۋىنا قارجى ءبولىڭىز. رەپەتيتورلار، ءتۇرلى ۇيىرمەلەر مەن سەكتسيالار بالاڭىزدىڭ ءارتۇرلى باعىتتا دامۋىنا مۇمكىندىك بەرەدى. بالكىم وسىنداي تىعىز كەستەلەر بالاڭىزدى اتا-اناسى بالاسىنىڭ بولاشاعى ءۇشىن اسا الاڭداي قويمايتىن قاتارلاستارىنىڭ تەرىس ىقپالىنان ساقتاپ قالار.

بۇدان شىعاتىن قورىتىندى انىق. مەكتەپتەگى ءبىلىم بەرۋدەن كەرەمەت ناتيجەلەر كۇتۋدىڭ قاجەتى جوق. بالاڭىزدى وزىڭىزدەن باسقا بىرەۋ تاربيەلەپ، ومىرگە دايىندايدى دەگەن جالعان ۇمىتپەن ۋاقىتىڭىزدى تەككە وتكىزىپ الماڭىز.