ماحابباتتىڭ 3 كەزەڭى
كوپشىلىكتىڭ پىكىرى بويىنشا، ادام ومىرىندە ءبىر- اق رەت سۇيەدى. ءبىر- اق رەت عاشىق بولادى. ەندى بىرەۋلەر ماحابباتىڭ شەكسىز ەكەندىگىنە دالەل كەلتىرەدى. پسيحولوگ مامانداردىڭ زەرتتەۋى بويىنشا، ادام عۇمىرىندا عاشىقتىق قۇبىلىسى نەمەسە ماحاببات حيكاياسى 3 كەزەڭ بويىنشا بوي كورسەتەدى ەكەن. ولار قانداي كەزەڭدەر؟!
1. العاشقى ماحاببات جاس ءوسپىرىم شاعىمىزدا ورىن الادى ەكەن. اتالمىش ماحاببات بالا كەزدە وقىعان ەرتەگى جەلىسىنە ۇقساس، ەشقانداي ءمىنسىز، پاك بولىپ كەلەدى. ءبىز بۇل ماحاببات ءومىرىمىزدىڭ سوڭىنا دەيىن بولاتىنىنا سەنەمىز. بۇل كەزەڭنىڭ قۇدىرەتى سونداي، ءوزىمىزدىڭ مۇددەمىزدى ۇمىتىپ، ادالدىقتىڭ جولىندا كوپ نارسەنى قۇربان ەتەمىز. وسىلاي بولۋ كەرەك دەگەن ويمەن جۇرەمىز. ويتكەنى، بۇل ماحابباتتا ءوز سەزىمىمىزدەن بۇرىن، وزگەنىڭ پىكىرى ماڭىزدىراق بولىپ كەلەدى.
بۇل ماحاببات دۇرىس ماحاببات بولىپ كورىنەدى.
2. ەكىنشى ماحاببات - بۇل كەزەڭدە ومىرلىك تاجىريبە جيناقتاپ، اق پەن قارانى اجىراتىپ، وزىڭە نە قاجەت ەكەنىن سەزىنەسىڭ. ەكىنشى ماحاببات جۇرەككە جارا سالۋى ابدەن مۇمكىن. بۇل ماحابباتىڭ اۋىرتپالىعى وتىرىك ارقىلى، ايلا- امالدار ارقىلى، ساتقىندىق ارقىلى جۇزەگە اسىپ جاتادى. بۇل كەزەڭدە العاشقى ماحابباتتىڭ قاتەلىكتەرىن قايتالاماۋعا تىرىسامىز. كوپ نارسەنى تۇزەتكىمىز كەلەدى. كوپ جاعدايدا، ءبارى ءبىز ويلاعانداي بولمايدى. كەرىسىنشە، العاشقىدان دا قاتتى اۋىر سوققى الۋىمىز عاجاپ ەمەس. اتالمىش ماحاببات ءوزىڭىزدى ەموتسياعا بەرىلۋگە، پسيحولوگيالىق نەمەسە فيزيكالىق تۇرعىدان قاجۋعا اكەلىپ سوعۋى مۇمكىن. بۇل ماحابباتىڭ سوڭىندا ءبارى جاقسى بولاتىنىنا سەنىممەن قارايمىز. دەسە دە، قيىندىعى كوبەيە بەرەدى.
بۇل ماحابباتتى ءوز ارەكەتىمىزبەن دۇرىستاعىمىز كەلەدى.
3. ءۇشىنشى ماحاببات - ءبىز كۇتپەگەن ماحاببات. بۇل كەزەڭدە ءوزىمىز ەشقاشان ەلەستەتپەگەن، كەيىپكەرى بولىپ كورمەگەن، كۇتپەگەن جەردەن توسىنسىي بولىپ كەلەتىن ماحابباتتى وتكەرەمىز. ويلاماعان تانىسۋ، كۇتپەگەن كەزدەسۋ. ءبىز بۇل ماحابباتتىڭ حيكاياسىن وزگەگە تۇسىندىرۋگە نەمەسە كورسەتۋگە تىرىسپايمىز دا. ويتكەنى، ءوزىمىز تولىق دايىن بولمايمىز. بۇل ماحابباتتا تولقىنىس، تەربەلىس زاڭدارى ورىن المايدى. قالاي بارسىڭ، سولاي قابىلدايدى. ءوزىڭ دە اڭ- تاڭ كۇي كەشىپ، وتكەننىڭ ەستەلىكتەرىنە كۇلە قاراۋىڭ ابدەن مۇمكىن. الدىڭعى ماحابباتتىڭ نەگە دۇرىس بولماعانىن وسى تۇستا تولىق تۇسىنەسىڭ. بۇل تۇستا سىن كوز بولمايدى. ماحابباتتىڭ ەڭ ىستىعى - وسى كەزەڭ.
«ماسساگەت»