ازاپتاۋ ادىستەرىن قولدانعانى ءۇشىن كۇشتىك ورگانداردىڭ 39 قىزمەتكەرى قىلمىستىق جاۋاپقا تارتىلادى
ۆەدومستۆو پوليتسيا عيماراتتارى مەن ق ا ج ك مەكەمەلەرىن تەكسەرۋ كەزىندە بەينەكامەرالارمەن قامتىلماعان 5812 ۋچاسكە مەن ءۇي- جايلاردى جانە 900 جۇمىس ىستەمەي تۇرعان كامەرانى انىقتادى.
«پروكۋراتۋرانىڭ ۇسىنىسى بويىنشا «كورىنبەيتىن ايماقتاردى» بولدىرماۋ ءۇشىن 3783 قوسىمشا بەينەكامەرا ورناتىلدى. عيماراتتاردى تولىق جاراقتاندىرۋدى اعىمداعى جىلدىڭ سوڭىنا دەيىن اياقتاۋ جوسپارلانۋدا.
اۋماقتىق پوليتسيا دەپارتامەنتتەرىنىڭ، ق ا ج ك جانە ءى ءى م ورتالىق اپپاراتىنىڭ 19 باسشىسى تارتىپتىك جاۋاپكەرشىلىككە تارتىلدى»، - دەپ جازدى باس پروكۋراتۋرادان.
وسى جانە باسقا دا پوليتسيا قىزمەتكەرلەرى اراسىندا ازاپتاۋدىڭ الدىن الۋدىڭ ماسەلەلەرى باس پروكۋروردىڭ ورىنباسارى بولات دەمبايەۆتىڭ قاتىسۋىمەن ىشكى ىستەر مينيسترلىگىندە وتكەن ۆەدومستۆوارالىق كەڭەستە تالقىلانعان. وندا قازىرگى ۋاقىتتا 88 ازاماتقا قاتىستى تەرگەۋدىڭ رۇقسات ەتىلمەگەن ادىستەرىن قولدانعانى ءۇشىن كۇشتىك ورگاندارىنىڭ 39 قىزمەتكەرى قىلمىستىق جاۋاپتىلىققا تارتىلاتىنى بەلگىلى بولدى.
مينيسترلىك باسشىلىعىنا پسيحولوگيالىق تەستىلەۋ وتكىزۋ ارقىلى ازاپتاۋدى قولدانۋعا بەيىم قىزمەتكەرلەردى الدىن الا انىقتاۋ ۇسىنىلدى.
ازاپتاۋعا قارسى كەشەندى شارالاردى ىسكە اسىرۋ جالعاسۋدا.