قازاقستاندا 39 جاسقا دەيىنگى ادامدار جاستار قاتارىنا ەنۋى مۇمكىن
قالەتايەۆ بەيسەنبى كۇنى سەناتتىڭ جالپى وتىرىسىندا سويلەگەن سوزىندە ق ر پرەمەر-ءمينيسترى باقىتجان ساعىنتايەۆتىڭ اتىنا وسىنداي ساۋال سالدى، دەپ حابارلايدى Sputnik.
دەپۋتات ەسكە سالا كەتكەندەي، 2020-جىلعا دەيىن وڭىرلەردى دامىتۋ باعدارلاماسىنا سايكەس، بىرنەشە باعىتتار بويىنشا قول جەتىمدى باسپانا سالۋ قاراستىرىلادى. «الايدا باسپانا الۋعا ءۇمىتتى وتباسىلار ءۇشىن جاس شەكتەۋى بار»، - دەپ اتاپ ءوتتى قالەتايەۆ. ماسەلەن، ءبىر سانات بويىنشا، ەرلى-زايىپتىلار ءۇش جىل وتاسقان، ءبىر بالالى جانە 35 جاسقا تولماعان بولۋى ءتيىس. ەكىنشى ءبىر سانات بويىنشا، جاس وتباسىنىڭ نەكەلەسكەنىنە ەكى جىلدان اسپاۋى كەرەك جانە ەرلى-زايىپتىلاردىڭ جاسى 29 دان اسپاۋى شارت.
سەناتوردىڭ ايتۋىنشا، قازىرگى تاڭدا باسپانا ماسەلەسى جاستار اراسىندا وتە وزەكتى بولىپ وتىر. سول سەبەپتى نەكەلەسۋ جاسى دا العا جىلجىدى. قالەتايەۆ مالىمدەگەندەي، مۇنداي جاعدايدا وتباسىلار ءۇشىن جاس تالاپتارىن وزگەرتۋ قاجەت.
«قۇرمەتتى باقىتجان ءابدىر ۇلى، ءبىر سانات بويىنشا جاس ارالىعىن 35 تەن 39 جاسقا دەيىن ۇلعايتۋدى، ال «جاس وتباسى» ساناتى بويىنشا 29 جاستان 35 جاسقا دەيىن بەلگىلەۋدى قاراستىرۋىڭىزدى سۇرايمىن»، - دەدى قالەتايەۆ پرەمەر-مينيسترگە.