الماتى اكىمدىگى مەديتسينا كادرلارىن دايارلاۋعا 391 گرانت ءبولدى
بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا الماتى اكىمىنىڭ ورىنباسارى ەرجان باباقۇماروۆ ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا، بيىل الماتى قالاسىنىڭ اكىمى باقىتجان ساعىنتايەۆ مەديتسينا كادرلارىنىڭ تاپشىلىعىن تومەندەتۋ بويىنشا جول كارتاسىن بەكىتتى. ونىڭ اياسىندا مەديتسينا سالاسىنداعى كادرلاردى دايارلاۋعا 120 گرانت ءبولىندى.
رەزيدەنتتەردى وقىتۋ 1- قىركۇيەكتەن باستالدى. بۇل - تاپشىلىقتى جويۋ مەن مامانداردىڭ جاڭا بۋىنىن قالىپتاستىرۋداعى ماڭىزدى قادام.
«2021-جىلعى 1- قىركۇيەكتەگى جاعداي بويىنشا قالادا دارىگەرلەر تاپشىلىعى 215 بىرلىكتى، ورتا مەديتسينالىق پەرسونال 400 گە جۋىق شتاتتىق بىرلىكتى قۇرادى. ورتا مەديتسينالىق قىزمەتكەرلەردى دايارلاۋ ءۇشىن ولاردىڭ كوللەدجدە وقۋىنا 391 گرانتقا قارجى ءبولىندى. سونداي-اق ك ۆ ي- مەن كۇرەسكە تارتىلعان قىزمەتكەرلەردى ىنتالاندىرۋ بويىنشا ءىس-شارالار كوزدەلگەن، ماماندار ءۇشىن 10 پاتەر ءبولىندى، 300 جاس مامان «الماتى جاستارى 3.0» تۇرعىن ءۇي باعدارلاماسىنا قاتىسا الدى»، - دەيدى ەرجان باباقۇماروۆ.