قورعاس ءىسى: قازاقستانعا شۆەيتساريادان 390 ميلليون تەڭگە قايتارىلدى
«2020-جىلعى 14- قىركۇيەكتە شۆەيتساريانىڭ فەدەرالدىق بيلىگى «قورعاس ءىسى» بويىنشا ۇيىمداسقان قىلمىستىق قوعامداستىق مۇشەلەرى جىمقىرىپ، شەتەلگە شىعارعان 390 ميلليون تەڭگەدەن استام قاراجاتتى قازاقستانعا قايتاردى» دەلىنگەن حابارلامادا.
اتالعان قاراجات 2012-جىلدان بەرى حالىقارالىق ىزدەۋدە جۇرگەن قىلمىستىق ۇيىمداسقان توپتىڭ بەلسەندى مۇشەلەرىنىڭ ءبىرى ماعزۇم ابدىراليەۆكە تيەسىلى شەتەلدىك كومپانيانىڭ شۆەيتساريا بانكىندەگى شوتىندا بولعان.
شۆەيتساريادان ابدىراليەۆتىڭ قىلمىستىق اكتيۆتەرىن قايتارۋ بويىنشا جۇمىس 2018-جىلدان بەرى جۇرگىزىلگەن.
بۇعان دەيىن 2019-جىلى وسى ءىس بويىنشا مەملەكەت كىرىسىنە شۆەيتساريادان 140 ميلليون تەڭگە قايتارىلعان بولاتىن. وسىلايشا، وسى ءىس بويىنشا شۆەيتساريادان مەملەكەتتىك بيۋجەتكە شەتەلدەن اكتيۆتەردى قايتارۋ بويىنشا جۇمىس شەڭبەرىندە تۇسكەن قاراجاتتىڭ جالپى سوماسى شامامەن 530 ميلليون تەڭگەنى (1,3 ميلليون ا ق ش دوللارىنان استام) قۇرايدى.