نۇر- سۇلتاندا 38 ماس جۇرگىزۋشى ۇستالىپ، قاماۋعا الىندى

None
None
نۇر- سۇلتان. قازاقپارات - دەمالىس كۇندەرى ەلوردادا كولىگىنە الكوگولگە ماس كۇيدە وتىرعان 38 جۇرگىزۋشى ۇستالدى، دەپ حابارلايدى قازاقپارات ءتىلشىسى.

«ماس جۇرگىزۋشى» جەدەل الدىن الۋ شاراسىنىڭ ەكى كۇنگى ناتيجەسىندە پوليتسەيلەر جول ءجۇرىسى ەرەجەسىن بۇزۋدىڭ 500-دەن استام فاكتىسىن انىقتاپ، كوممۋنالدىق ايىپتۇراعىنا 45 كولىكتى قويدى.

ماسەلەن، تۇنگى ۋاقىتتا پاترۋلدىك پوليتسيانىڭ ارناۋلى باتالون قىزمەتكەرلەرى الكوگولگە ماس كۇيدە «Skoda Rapid» اۆتوموبيلىن تىزگىندەگەن 29 جاستاعى جۇرگىزۋشىنى ۇستادى. تەكسەرۋ بارىسىندا ونىڭ بۇعان دەيىن ماس كۇيدە رۋلگە وتىرعانى ءۇشىن كولىك جۇرگىزۋ كۋالىگىنەن ايىرىلعانى انىقتالدى. جۇرگىزۋشى 15 تاۋلىككە قاماۋعا الىندى. ق ر ق ك 346-بابى بويىنشا قىلمىستىق ءىس اياسىندا تەرگەۋ جۇرگىزىلىپ جاتىر»، - دەلىنگەن نۇر- سۇلتان قالالىق پوليتسيا دەپارتامەنتى تاراتقان اقپاراتتا.

ۆەدومستۆو مالىمەتىنشە، كولىكتى ماس كۇيدە باسقارعان بارلىق 38 جۇرگىزۋشى 15 تاۋلىككە قاماۋعا الىندى جانە 7 جىلعا جۇرگىزۋشى كۋالىكتەرىنەن ايىرىلدى. وسى رەتتە پوليتسەيلەر 2020 -جىلدىڭ 1 - قاڭتارىنان باستاپ كولىك قۇرالىن ماس كۇيدە جۇرگىزگەنى ءۇشىن جاۋاپكەرشىلىكتىڭ قاتاڭداتىلعانىن ەسكەرتەدى.

اۆتور: مارلان جيەمباي

سوڭعى جاڭالىقتار