ءبىر جىلدا قازاقستاندا جەڭىل اۆتوكولىك ءوندىرىسى 38 پايىزعا ارتتى
«جىل ىشىندە جەڭىل اۆتوكولىك ءوندىرىسى 38 پايىزعا ءوستى. اۆتوكولىك قۇرالدارىن، تىركەمەلەردى جانە جارتىلاي تىركەمەلەردى ءوندىرۋ كولەمى قازاقستاندا ءۇشىنشى جىل قاتارىنان ارتۋدا. بۇل تۇرعىدا بيىلعى قاڭتار- ساۋىردە وسى ونىمدەردىڭ جالپى سوماسى 83,9 ميلليارد تەڭگەگە جەتتى. 2018 -جىلعى قاڭتار- ساۋىرگە قاراعاندا ونەركاسىپتىك ءوندىرىس يندەكسى 145,8 پايىزدى قۇرادى» ، - دەلىنگەن تاراتىلعان مالىمەتتە.
بەلگىلى بولعانداي، 2019 -جىلعى ساۋىردە وتاندىق اۆتوزاۋىتتاردا 4,05 مىڭ كولىك شىعارىلدى. بۇل كورسەتكىش ناۋرىز ايىمەن سالىستىرعاندا 39,5 پايىزعا ارتىق جانە بىلتىرعى ءساۋىر ايىنا قاراعاندا 65,8 پايىزعا جوعارى.
«جالپى، 2019 -جىلعى قاڭتار- ساۋىردە 12,87 مىڭ اۆتوكولىك قۇرالدارى شىعارىلىپ، ءبىر جىلداعى ءوسىم 39,2 پايىزعا جەتتى. ونىڭ ىشىندە 94 پايىزى جەڭىل كولىكتەر (12,11 مىڭ كولىك) ، ياعني 2018 -جىلعى قاڭتار- ساۋىرمەن سالىستىرعاندا 37,9 پايىزعا ارتىق. سونىمەن قاتار، 307 جۇك كولىگى، 203 اۆتوبۋس، 230 تىركەمە، 17 ارنايى كولىك ءوندىرىلدى» ، - دەلىنگەن Energyprom.kz حابارلاماسىندا.